仲有一個星期就放假啦，有開心但而有唔開心，因為ｍｉｓｓ教埋下個星期就要離開我地，

好唔捨得呀，雖然我地唔係成日傾計，但係我就總係對ｍｉｓｓ有種唔知點講既感覺，

下星期幫佢搞疽個送別會，由於ｍｉｓｓ由我ｆｏｒｍ１教到ｆｏｒｍ３既班主任，

所以呢個送別會只有我地３Ａ班既人，可以聚一聚，真係好懷念以前既日子，ＭＩＳＳ對我地

真係好好架，佢份人好公正，即使同佢幾好朋友，佢在公佢唔會偏幫你，錯就錯岩就岩，在私同你玩得傾得，

所以我覺得呢Ｄ老師係最好，佢學歷又咁高，希望佢以後既日子可以順順利利，搵到份比依家呢份仲高人工，

仲好既工啦，我地ＦＯＲＭ５既謝師宴一定會請你去架，我唔會忘記你既教導。

呢排派試卷個人都唔知點,只是總係覺得自己唔夠人黎咁,但我又覺得自己未能用盡全力,

我對d MC題極之差,因為份份試卷d MC都係岩岩合格,想多少少分數都唔得,數學,化學,生物,物理都係咁,

仲有一年就會考啦,點算好,要比心機鋤d MC題,希望能夠夠分上中六,依家就黎補習啦,我諗過埋新年啦,

新年都要開始溫會考題架啦,因為我想我一定唔夠時間,去溫咁多課。

媚今日去左CAMP呀,好彩唔係去好多日,唔係我死得架啦,希望佢玩得開心d,最緊要係小心d呀,唔好整親。