我發覺我都幾好笑，有的問題明明唔係個人既問題，我就會推落去人地度，到底係想不負責任呀，定係想保護自己?有時明明知道其實問題不單單在對方身上，自己都應該負責，畢竟兩個人相處，不是個人自編自導自演的一套戲，我並唔否認，在問題上我無責任，但係我都推落去，係為左自己的心安?但係其實唔係架，推左個問題出去其實自己仲傷，根本無開心過，人地以為推左個責任走，就唔關自己事，就可以開心，但係好老實講句，係唔係真係開心，佢自己先知。

今日好早就醒左，尋晚仲要4點幾先訓得著，早醒就係度諗返學，但係返學為左乜，為左听書咩，自己話比自已知，就算返去都唔好搵佢，唔好煩佢，佢既然想我咁做，如果我再煩住佢，咁唔係真係自己犯賤咩，今日見到佢，佢都肯定見到我，但係大家都要當睇唔到對方，為乜?

下午，本來諗住去圖書館睇書，但係行到圖書館又唔想入去，企左係個欄杆位度望，都唔知自己想望乜，企左一陣都係唔想入去，就搵個地方坐下溫下生字，但係一個都入唔到腦，自己係度比個理由自己諗社會醫學的野，去醫學院--->最后自己都係去醫學院，但無上三樓影像室，因為就算去影像室，自己又可以點呢?叫佢?但係叫佢又可以點?佢會理咩，無謂做埋的無謂野啦，走左上8樓等的老師返，點知等黎等去都等唔到，諗住走，仲要特登行三樓度走，望左兩眼影像室，但係又唔想望咁耐，去到2f見到同學，咪問佢地野囉，問完點知自己又好白痴咁走返上8f搵老師，好啦，隨便搵到個關於果科的老師，終於知道我地要做的乜，去邊度搞。問哂想知道的先走，又係經3f，又係望左一眼先走，到底我想望的乜，望到又可以點?固執黎做咩?

返到房拿返部機比朋友，之后一個人去左明湖坐，一坐坐左成個鐘頭，其中一路坐一路睇佢同我影的相，一直係度喊，都唔可以話喊既，因為的眼水最多係眼眶入面打轉，可能係男人啦，唔應該好似細個咁，話喊就喊...坐左一陣，諗左一陣野就走人，返到房比同房話我無咩精神，我就隨便比左個理由佢話可能太累就算，我唔想比佢知，我喊過...