|
你是我生命中的唯一，沒有了你，我生命己經沒有光彩
|
   |
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 刊登時間：2007-10-16 10:06 PM [ 訪客留言(0) ] [ 編輯日誌 ] [ 分享至FACEBOOK ] | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
2007 年 10 月 15 日 星期一  |
| [ 此日誌受密碼保護 ] |
| 刊登時間：2007-10-15 10:43 PM |
| 2007 年 10 月 14 日 星期日 |
| 2007-10-14 |
日記日記 我真係已經唔識得再打，我打呢的咁的日記，下下打完，都比自己中意的人誤會左我的意思，咁我仲打黎做咩?明明好中意一個人，但係徧徧佢又有男朋友，有都唔係一個問題，因為我可以等，我可以等佢解決左個問題佢，但係我等...等左半年有多，我仲可以點，我成日講完，煩完又係咁，我唔係想怪責的咩野，因為我真係好中意佢，我願意等，願意為佢付出，願意愛佢一生一世，佢明白我對佢的感受，但點解都仲係咁呢...唉 我真係唔識得再講，最后...我想講既只有...我真係愛果個女仔，我無將佢當做代替品，我知我有好多的過錯，但係佢都包容我，接受我，只係我唔識得去體諒佢，係某的事上面，我仲責怪佢，呢個係我唔岩，但我真的不想和她分手，我好希望同她一起，組織一個開心的二人世界。 |
| 刊登時間：2007-10-15 01:57 AM [ 訪客留言(1) ] [ 編輯日誌 ] [ 分享至FACEBOOK ] |
| 2007 年 10 月 13 日 星期六 |
| 你是我唯一的执着 |
窗外的大雨 |
| 刊登時間：2007-10-14 01:01 AM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 10 月 12 日 星期五 |
| 2007-10-12 |
请别离开我
说过的我已说过不想再说 |
| 刊登時間：2007-10-12 10:31 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 10 月 11 日 星期四 |
| 2007-10-11 |
應該點講呢，其實打日記，我都唔係成日會打，但係有時候，有好多既諗法，又會想去講出黎，只係有時候講完出黎，又未必係自己真實想法，其實都幾矛盾， 今日听到你講到某個女仔，我明白她係仔心入面點都會介意，會唔中意果個人，對我黎講果個女仔，只係我的一個朋友，並唔係我中意的人，或者，我的確曾經有同佢係一齊，但係果時都只係朋友，我同佢無其他野，我希望你唔好亂諗野，就算佢而家係我面前，我都會話佢只係我既朋友，並唔係我的愛情對手，因為我既心一直中意既係邊個你應該最清楚。 明天考試，千萬不要緊張，我知道你好著重，但你越緊張越發揮唔到你的能力，見住你冷靜咁打，其實你已經打得好好的了，點解係要追求打得快，外科手術打結速度係重要，但係如果你打得再快，果結唔穩陣，咁又有用咩，其實我講呢的野，你自己都清楚，但係真係要你唔去諗果考試，可能真係好難，無論點，我都只希望你冷靜面對，畢竟你無時間去練習，如果比多的時間你，其實你可能打得仲快仲好的。 |
| 刊登時間：2007-10-11 11:42 PM [ 訪客留言(1) ] [ 編輯日誌 ] [ 分享至FACEBOOK ] |
| 2007 年 10 月 10 日 星期三 |
| 2007-10-10 |
過去...今天...明天...將來...到底會係點既呢，到底係自己一個孤單走我路?定係伴隨你既一生，一起走過?好多時候，兩個人係埋一齊，己經係一種緣份，雖然果種緣份可能短暫，但係最少曾經擁有，到老的時候經常回憶，會有種甜密的笑，但係往往甜蜜的背后是別人的悲傷，由其是一個愛對方，愛得好彻底的一個人，越係愛對方，就發覺越係捨唔得對方，就算對方話要分手，你都會想盡一切的方法去令對方回心轉意，可能並不單單回心轉意，因為對方的心中可能也有你，只是有時候難捨舊愛，去接受你...但係越係放棄不了，就越令自己痛苦，你明白第三者對你的愛有多深，但徧徧造物弄人，相識的時候，不是先和他相識，相愛的時候，不是和他相愛，徧徧在自己與第二者有問題的時候，才遇上他，才知道原來仲有人係愛自己，只係因為和第二者的相識相知相愛的過去，而捨棄左第三者，有時候真的很無奈，到底係自己真的捨棄不了舊愛?還是心中一直沒有真心愛(指的是全身心)第三者的? 不可否認，在與第三者一起的過程中，你有嘗試去付出感情，作為第三者，亦都感覺到對方的愛，只係所感覺到的，除左愛，並夾雜左對自己的歉疚，其實兩個人相愛，並沒有什麼歉疚，如果真係愛一個人，會為對方著想，會為對方思考，當對方不在你的身邊，你會掛念他，你會想他，但當他在你的身邊，你又會覺得沒關係(但心中是很開心的)，或者有時候，在你上課的日子，佢忽然出現在你的課室門口，等你...看著你，你感覺到是那樣甜蜜，你會忍唔住回身去望他一眼，咁証明對方係你心中的地位是多麼重要。 在與你相識—相知—相愛的過程入面，我真的是全身心付出了，雖然在一些時候的行為上，我的確很無賴，亦會令你覺得難受，但你明白到，兩個人相愛，彼此其實是赤裸裸的，沒有什麼秘密的，你會好自然告訴對方，你什麼時候有空，你身體那裡不舒服，你會想對方關心你，你會想對方找你，抑或你會感覺對方其實好煩，你好討厭他呢？ 我今日請左病假沒去上課，一種原因係我真的不舒服，另一種原因 我真的太累、太累了，在感情的角力上，我可能真的輸左，輸左比一個早我少少識你的人，輸了給一個早我少少愛你的人，但我到現在呢一刻，好清楚知道，我愛你 唔會比 對方 愛你少，雖然我有好多的不是，但愛的心一直沒改變，其實上星期過澳門，我其實唔伴太大希望，你會見我，你會和我吃飯，但事實剛剛相反，其實果時我真的好開心好開心，自從你話同我分手，自從你唔想理我，自從你換電話唔想我搵你的呢段傷心的時間上，你可以出黎見我，同我行街，同我影相，我真的好開心，雖然在回來后，你還是覺得唔想同我拉扯，但係...其實我根本無理過你呢句拉扯的說法，因為我覺得，你唔想改變可能係你現在的心態，如果我真係愛你，我就會有等你的心，不管前路多麼崎嶇，我都會一直等落去，可能真的會令我失望死心，但係我覺得真的能夠愛你，能夠等你，能夠關心你，我真係好幸福，因為你在我心中，已經佔有一個很重要的位置，不管將來我是不是有意外，或者你是否還會有愛我的心，但係係呢一刻，愛你的心不會改變。 |
| 刊登時間：2007-10-11 01:34 AM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 10 月 9 日 星期二 |
| 2007-10-09 |
我知道我打的野，有時候真係令佢好唔開心，因為有時候我所講的野真係講得太盡，其實我唔懷疑你當初同我一齊的時候的感情，畢竟果時大家所付出的感情，係真的，就算我幾木頭都好，我都感覺得出，我知道佢可能睇完我的日記會覺得我好討厭，覺得我好似係度懷疑佢當初對我的感情，對佢的唔信任，但係我的心，佢難道唔明白?我做咁多野，到底係為左咩?我成日借的2去澳門又為左乜?你估真係去見我老豆咩，我去都係因為佢，我好想見到佢，好想佢返黎我身邊，但係，我做到咁，反而得到一句，你咁做法只會令我更加討厭你...哈哈哈，我咁做到底係為乜，真係為左自取其辱? 我做咁多野都係想佢知道一樣野，我到現在為止對佢都放唔低，我到現在呢一刻依然愛著佢，但係咁又點，得到呢一句說話，我係唔係真係要放棄，係唔係真係無得返轉頭? 我愛佢呢個係事實，無得改變的事，但係點解到最后我都係得呢吢說話?自從上個星期係澳門見完佢，我而家只可能日日拿住佢張相望，望到累就訓，訓醒又係望，望住佢張相，我個腦不斷浮現過去的種種有開心，有煩的時候，但係整體黎講，我真的希望個時無變，佢而家對我的心可以返轉頭，或者，佢會真係明白，佢對我到底有幾重要。 |
| 刊登時間：2007-10-10 12:04 AM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 10 月 8 日 星期一 |
| 2007-10-08 |
瑟瑟清風，悠悠我心 今日又係返學放學，的日子真係好悶，可能因為失去佢，個人成日都無心機，今日又係好似往常咁，上完一節課就走出課室，走出課室的目的係咩呢?我都唔知，可脦係班房太悶熱卦，又或者自己個心想出去睇下，同埋走去洗手間時，特登望一望后面的課室， 好唔容易上完朝早堂，頭兩堂都仲ok的，無訓到，仲裝到好留心咁听書，但係一句都听唔明，可能自己的普通話真係太差啦，睇黎自己要努力返的係普通話方面，唔係自己係大6咁耐，的普通話仲係咁差，就死得啦!!! 3-4節的時候真係頂唔順，伏左係台訓左5分中左右，之后又自然醒左，我發覺我最近的失眠次數都好嚴重下，到底係心理因素呀，定係咩呢?我真係好累，我從來都未試過個人咁累，不但但係身體上的累，個心仲累，有時我會諗，到底死左會唔會真係解決到問題呢，其實呢個咁白痴的問題，自己都一早有答案，只係當個心真係好累的時候，死呢個念頭，真係會好自然咁出現。 中午差唔多返學的時候打去比佢，睇佢今日點樣，仲係唔係好唔舒服，但係在傾的過程入面，始終都係得我講，佢都無野想同我講，其實我咁樣做，到底值唔值得，或者我只係想聽一聽佢把聲，知道佢無事啦，又或者我依然抱著一個希望...我一直都想我呢個希望唔好變做絕望，但係...事實又點呢?暫時黎講，已經偏向失望果種囉，無論我幾努力去做的野，佢而家都好似唔領我情咁，如果佢真係唔會再鍾意我，唔會再想見我，想我永遠係佢面前消失，我真係希望佢直接的同我講，的當如果佢真係咁講，我會好傷心，傷心到真係會去諗個死字，但係咁又點，係而家呢種關係上面，我真的唔知佢想我點?我可以做的乜，佢想我做的乜，今日打比佢都係想關心佢，我唔知道佢仲想唔想我關心佢，定係佢已經覺得我煩，覺得我已經無資格再做埋的咁既野。 夜晚上堂，我個frd遲返一堂，本來諗住佢返黎，可以傾下計，大家講下，呢7日假期大家做過咩，點知講下講下，就又講左去另一邊，唉...真係唔知點講好 晚上再打比佢，點知佢同房話，佢已經訓左，咁又係既，佢都唔舒服，而且佢今日真的好累，朝早返完4節中午又返2節再到夜晚又返2節，佢都無休息過，佢真係好辛苦(最主要係佢唔舒服)，所以知道佢訓左，我都唔打比佢啦，本來有的野想問佢既，不過佢訓左就算啦，明天先再問佢啦，睇下佢得唔得閒，不過，又擔心佢太累，因為明天佢都係好多堂要上，要明天問下佢先知啦!!! PS: 心如秋風，蕭瑟枝條，蒼老的心，有誰可灌 |
| 刊登時間：2007-10-08 11:10 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 10 月 7 日 星期日 |
| 2007-10-07 |
我尋晚又係好似前兩晚咁，訓下醒下，之后又係望電話，可惜到最后我都係等唔到想等的電話，或者我係多餘啦，因為，明知道佢返黎唔會打比我，唔會話我知佢返左黎，但係點解我仲希望佢打比我，話比我知佢安全到步呢，呢的肯定係自己拿黎衰。 等左成日，都係無見佢比個電話我，我又唔會打去佢宿舍，點解?因為明知佢唔會係宿舍，我仲打黎做咩?到左夜晚，10點半左右，打去搵佢，其實打去我都唔知同佢講咩，因為講真無論我講咩都好，佢都無意思同我傾落去，咁仲有咩意思呢，可能我只係想確認佢係唔係在宿舍啦，或者，係唔係安全，其實知道呢的已經足夠，因為已經擔心左成晚，聽到佢無事，個心都安樂的，同佢傾的過程聽到佢有兩聲咳，好自然問佢有無事，真係怕佢唔舒服，有的咩事，同埋問佢駛唔駛拿我的線去用，畢竟佢一包的線未必夠佢練習，但係佢話唔駛，我都唔會强迫佢，反正我做的野都係多餘，但係如果佢有需要我都會第一時間拿比佢。 其實我仲想知，我咁關心佢黎做乜?佢都唔會鍾意我架啦，我仲做咁多野，自討苦吃，可能我真係犯賤，明知道我做咩都好，佢都唔會領情，我仲做黎做乜? PS:話放低，但始終放不低，到底對與錯? |
| 刊登時間：2007-10-07 11:04 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 10 月 6 日 星期六 |
| 2007-10-06 |
今天早上我很早便醒來，一覺醒來便是看電話，看有沒有收到什麼信息或者係電話，可惜令我失望的係，乜都無，我見到乜都無，就又訓過，訓下醒下，訓下醒下，好似我尋晚咁，基本又係訓唔到，直到9點幾，終於見到有信息，原來佢尋晚手提無電，所以回唔到我，既然係咁我都算啦，我問佢係唔係今日返去，睇下佢可唔可以一齊走，點知佢話我知，佢會同另一個人一齊走，咁我只好無奈啦，我又唔可以話咩，咁我只好問佢可唔可以陪我食埋野，送我上車走，點知...無左下文，可能果時佢仲訓緊啦，鬼咩，佢返到屋企都唔習慣﹐搞到個人成日都2點幾先訓得到，真係辛苦左佢。 本來希望走的時候可以再見到佢一次，可惜都係見唔到，算啦，我咪同佢講，叫佢返到去比個電話我，等我知佢返左都好，之后同佢講...我走啦，拜拜... 我只好孤單一個自己坐車走，當中百感交集，已經好耐無試過咁了，但係我都只好無奈接受，去到拱北，好似個傻仔咁，買完車票，自己上左商場行，同埋買少少野食，記得佢講過一套戲幾好睇，我就走去買果套戲，睇唔睇我自己都唔知，但係佢既然話都ok既咪買黎睇下囉。 好唔容易返到學校，點知又係得自己一個，早知就係澳門玩多日，情願自己一個周圍行，都好過返黎，因為我真係好寂寞，一個人真係好悶，成日都唔知自己想點，行黎行去，個人六神無主咁...都唔知為左乜。 直到夜晚...我等極都唔見佢比電話我，只有兩種可能，一係佢未返，另一種係我極為唔想要的答案，但係好明顯已經係第二種答案，可以咁講啦，佢已經令到我好失望，或者已經唔會再抱有任何的期望，最后只可能無奈接受。 PS 唔知幾時對佢抱有期望，但係每一次期望都被狠狠踏碎，慢慢變成失望，失望的重複，再轉變成絕望。 |
| 刊登時間：2007-10-07 12:29 AM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 10 月 5 日 星期五 |
| 2007-10-05 |
今天係我係澳門的第二日，尋晚我基本無訓，訓左一陣，就醒一醒，之后望一望電話，睇下佢有無發信息或者打比我，不斷重複又重複，搞到個人想訓都無訓到，今天我老豆返左香港，佢同屋都走埋，得返我一個，好鬼悶 上午十一點十五分左右，我打比佢，問佢今日陪唔陪到我食飯行街，好在，佢今日都算得閒既，我地約左12點45分係麥記等，我12點30分就出門口，去到都係過左5分鍾左右，我一路等一路望，睇佢會係邊個方向黎，等到12點55分左右，終於見到佢︳第一眼差少少認唔出佢，因為佢今日應該化左妝，但我無問，並唔係唔值得問既，可能佢覺得同我出街，化左妝個人會成熟的卦，但係無論點，就算佢唔化妝，佢依然咁好睇。 出到黎好自然咁諗去邊食，但果時太多人，都唔知食乜，我提議去新馬路食，之后係車站我同佢都傻下傻下咁，係到諗架車係去新馬路定係回程既，同埋架車係唔係可以去到新馬路 =0= ，最后都確定左係去新馬路啦，咪上車囉，原路我都怕佢悶，不斷同佢傾計，諗到咩就講咩，終於到左新馬路，又煩食咩好，周圍走，之后同佢去左食日本野(冷面)，但係果間野真係好貴囉，又無野食，又無野飲，呃錢架，原途上，他有好多電話，我唔知到底係果個人打比佢呀，定係真係佢既中學同學，，可能兩樣都有啦，食完野，我地行經haganden，好自然咁問佢食唔食雪糕，佢話好貴，我都知果間野好貴呀貴，但係我諗佢未試過食，咪買囉，我仲要同佢講話我買一杯同佢share食，但係我基本意思都係買比佢食多，我其實對雪糕興趣唔大啦，只係既然出到黎，都想開心者，唔應該為左少少野，而去介意，本來佢下午個frd約佢行街，點知佢個frd就話要煲湯唔出得住，佢最快都要4點先出到黎，咁都好既，可以多的時間同佢一齊，我同佢去左大三巴影相，基本都係影風景同埋影我﹐佢成日都唔比我影佢，唉… 都唔知佢想點，但我一路上都係度偷拍佢，雖然都係影佢背部，但都唔錯架啦，係就係遺憾的。之后3點幾的時候，我同佢去左影貼紙相，呢次係我第二次影，亦都係同鍾意的女仔影，在影相的時候我地煩緊點影好，呵呵呵，影完又要cut，我就搞到亂哂龍，到最后都佢搞掂既。4點鐘，佢個frd終於黎左，我只好做孤獨老人囉，比時間空間佢同佢既朋友傾計，只係我間唔中都有講兩句既，之后我地去左音樂咖啡飲野，果度的冷氣呢… 有少少凍架，佢全程都話凍可惜我無外套，唔係第一時間除比佢穿，見佢全程話凍，我真係有種衝動走去隨便買件外套比佢穿。終於飲完野，走得，佢要去佢個frd間大學，搞到我唔知點咁，唉… 最后無耐自己一個坐車返去，返到樓下又唔想返上去，去左7仔買野，買完野先返屋，老豆又唔係度得我一個，本來真係希望佢可以陪我食飯，可惜佢又要陪朋友，等到8點幾，頂唔順，得自己一個真係好悶，自己一個去左行街，丁個人周圍行，自己都唔知自己行緊邊，有的似佢當時的情況，只係果時佢唔開心，唔想見我而周圍行，我係想見到佢而見唔到周圍走，兩種感覺，行到唔知幾點，又等唔到佢電話，只好一個人返屋，繼續無聊。 夜晚發信息比佢，但係好似石沉大海咁︳都唔知佢收唔收到，又唔知可唔可以打比佢，唉…
Ps 可以同佢行街影貼紙相，我真係好開心，唔知佢開唔開心呢?
|
| 刊登時間：2007-10-06 07:55 PM [ 訪客留言(0) ] [ 編輯日誌 ] [ 分享至FACEBOOK ] |
