今日朝早已經陰天，但係我唔信邪，冇帶遮，結果梗係淋雨行返去啦，好在都唔係咁大雨啫∼

返到去，打算快ｄ問人地ｍａｔｈ點做啦，點知原來星期一先交，又蠢左次∼>3<
不過d時間都好似仲係好趕咁，小倩同花姐出去講野，其實我都冇聽到，係到發呆．．．

係ｐａ堂終於做哂份卷啦∼好開心呀，我一開始以為自己得６０幾分架咋，因為真係越做越心寒呀∼
不過好在，都有７０幾分∼

英文堂，又係冇派卷，不過講左ｏｒａｌ既分數，不過不失咁啦∼
成堂都係ｏ係到改正，勁悶呀∼

中史第一堂就搞笑ｄ，因為係到同ｍｉｓｓ吹水，中間個小息就落左去食蘿蔔糕，正呀！！！
之後個堂中史就悶爆啦∼

中文堂嚕，宣佈我地辯論對ｃ班呀，勁開心∼不過要作文就唔係咁開心，都唔知點作好．．．
之後ｄ堂都冇咩特別，等左成朝，終於食飯啦∼∼
食完飯返上去課室，同芭比、綺莉佢地傾計，好開心呀∼原來我係有潛質去做小組討論做得好好架∼
所以我會努力咁做你地身後既軍師架啦！！！（希望可以啦∼）

ｌｕｎｃｈ完左之後就去聽ｔａｌｋ，勁勁勁勁悶呀∼不過今次好早就散水ｌｕ，勁正！
不過ｍｉｓｓ　ｌａｍ唔係到，冇人理既我地勁ｈｉｇｈ囉，嘈到連馬ｓｉｒ特登 走過黎了解了解，之後仲勁到打電話添∼
咁之後少爺占就出現啦∼但係都依然係咁嘈，然後ｍｉｓｓ　ｋｅｅ就過黎派野，但係冇人想攞返屋企（好似有一個），所以就擺哂係班櫃，搞掂之後ｍｉｓｓ　ｋｅｅ 同ｄ人係到吹水，勁熱鬧呀∼

放學鐘一嚮，ｄ人即刻走哂ｌｕ，不過係到落大雨，同阿ｓｕｅ、小渟渟佢地同一把遮，去到輕鐵站就分開走ｌｕ∼

返到屋企，玩左陣電腦，係就黎食飯既時候我走左去瞓覺，成１０點先起身，之後睇下電視搞下ｂｌｏｇ，點知不幸既事就發生左啦∼我唔覺意ｒｅｓｅｔ哂所有野，所以要從頭搞過，如果覺得唔靚既話一定要講我聽喎∼