今日好開心呀~部機終於整好啦~可以上網+用usb啦~>3<而且仲買左個新既keyboard,勁靚呀~係samsung出既,不過佢自稱係crystal keyboard,睇落又真係幾似架,不過梗係唔係真係水晶啦~

今日一早9點幾10點就起左身啦~之後就食減肥餐~要食成3日咁耐架~不過呢個餐真係好healthy,加上我呢個新年成日都出去食飯,唔減都唔得啦~
到左10點幾個盧生就出左黎幫我地整機,我地部機勁煩呀,搞左佢好耐,整緊個陣佢同我地傾下計,佢話佢讀緊公開大學既課程,$1000一個學分,而佢要成120個學分先畢到業,咁即係要成12萬,我同阿媽聽到即刻o哂咀,真係唔知講咩好呀~整好之後佢都係收我地$200蚊喳,佢開左間公司都仲收我地街坊價,而且問哂我地想裝d咩,又幫我地裝防毒同除蟲,又裝埋燒碟,真係好人呀~但係我地都比左封唔知50定100既利是佢,畢竟人地年初四都肯上黎同你整都真係唔話得啦~
之後都係係屋企玩電腦,玩番好耐冇玩既新仙劍奇俠傳,勁正呀~不過阿媽成日同我搶電腦玩,因為我部腦終於有佢恨左好耐既接龍啦~不過如果佢真係咁中意玩我咪比部機佢囉~橫掂我都打算以後玩少d電腦,努力讀書!!!!!!!!!!
然後上吓網,睇下d fd既日記咁啦,冇得上網既時候就希望快d可以上網玩,但係到左真係有得上網既時候又會覺得悶,都唔知有咩好做,唉,我真係老啦個心~可能同阿媽瞓得多呀,有人話如果d人成日一齊瞓(例如兩夫婦),咁大家就會吸收對方既氣,咁不知不覺地,你無論係身形同思想都會好相同,我諗呢個可能係真架,但係阿媽想買既個張床比人買走左,我唔知到幾時先可以回到以前一個人瞓既日子啦...唉...
好!!!我有做過功課架呢幾日,不過好多都唔識做呀,我打算6號返去學校問人,所以依家會努力做我至討厭既英文先~(因為係最易做既)
但係希望我可以唔玩電腦啦//o\\
我今個新年豆到我15年來最多既利是呀~如果我出多街就應該可以豆多d既,不過都係10-20蚊架啦~加上食緊減肥餐,呢幾日都會係屋企發呆...所以都唔會有更多d既錢架啦~