正當人人都趕做功課既時候~我,呢個咁得閒既人~正在吃我尋日買返黎既吉百利純朱古力~勁正+勁悠閒呀~呵呵~
我尋日3點半先瞓,不過嘔文淨係嘔左半粒鐘,其他時0間都係O係到玩電腦~
所以今日小倩打黎個陣我仲係瞓緊覺架~傾左一陣之後我又瞓過,仲夢見自己大個做左差婆,啱啱好畢業,而且仲有讀同埋一D有關小朋友既課程(仲要係好開心喎我=.="),然後又見到我變到好樣衰,同個見唔到樣既男人坐係到傾計,個男人係到玩緊泥沙,我同佢傾依家政府講緊既一星期返五日既野(咩警察有得返5日架咩?),然後又見到樣衰左既自己係沙灘到畫日落,個太陽仲要係黑白相間.......對於呢個夢我真係唔知應該有咩反應好.....
發發下我就比小倩既電話嘈醒左,之後幫手打比THUSIY,但係又揾唔到佢,所以就同小倩繼續傾,傾傾下thusiy打過黎~3個一齊傾~小倩,你屋企真係要擺多d野食啦~之後小倩終於落街去買野食,所以就收左綫~
之後起身,玩game,冇野做,悶爆~
跟住睇無綫新聞,其中有個男人講話依家d人過大禮唔再用生雞,仲有埋手勢,笑到我死呀~
無野做,好無聊....................................................
不過今日轉左隻新夜霜,幾好用,唔錯~不過始終都係想用dhc~