今日放學返到屋企~
睇左本小說~
睇到我好想好想喊~
本書叫《畫魂》,係本愛情小說黎既~

個故仔好靚~
係講一個好出名畫人物畫既男畫家~
佢唔見左以前既記憶,
但係一直都冇興趣去揾返~
因為佢覺得依家d生活好好~
但係有一日佢係街到見到一個女仔,
第一眼見到佢,
佢就已經好想幫佢畫一張畫,
但係無論佢點畫,
都淨係畫唔到佢個樣,
但係佢又揾唔返個女仔,
只好答應一個富家女去幫佢畫畫,
因為佢第2次見到個女仔就係係個富家女既屋企到,
佢一開始以為個女仔係一個僕人,
所以佢攞住張畫左個女仔既衣著同頭髮既畫周圍問人(佢畫唔到個女仔既樣),
但係都冇人見過佢~
有一日個個好中意佢既富家女以為佢唔肯同佢畫畫,
又比佢以為個男仔係同一個死敵夾埋黎落佢面,
所以揾人打斷佢隻手,
之後佢比個女仔救左,
佢帶左個男仔去揾一個奇怪既男人去醫隻手,
個個男人係有d特別既能力既,
之後個男仔係休養既時候發現冇左個女仔唔得,
就走去揾個男人叫佢放左個女仔~
但係原來個女仔唔離開得個大宅,
除非有個男人幫個女仔,
因為個女仔已經死左,
其實個女仔同男仔係青梅竹馬,
個男仔自細已經好有畫畫既天份,
佢大左之後想畫一幅女仔既畫黎同個女仔求婚,
有一日,佢係河邊畫緊幅畫既時候,
有一個隔離村既男人同佢講話佢d畫唔錯,
叫佢入城賣畫,
咁就有多d錢買胭脂水粉送比個女仔,
所以佢一個人都冇通知就入左城.
但係佢一入到去就識左個大戶人家既小姐,
個男仔以為個女仔真係中意佢,
點知原來只係當佢係玩物,
之後佢好後悔,
佢好想畫好幅畫送比個女仔,
同佢求婚,
但係佢望住畫淨返個樣既畫,
但就係畫唔到個女仔既樣,
因為佢覺得對個女仔唔住,
就係呢個時候,
有個入去男仔住既破廟避雨既人.
見到佢畫得唔錯,
就話比佢知佢有個京城朋友係寡婦,
好中意資助d有才能既人,
代價係要陪個寡婦上床,
個男仔聽左之後,
覺得個男人好cheap,
但係同時又想去出人頭地,
佢唔知返去揾青梅竹馬好定去發展好.
然後,佢遇見幫佢醫手既奇怪男人,
個男人聽左佢煩緊既野之後,
就同佢講「你依家閉上雙眼,唔洗特登去諗,因為你個心會幫你揀,第一個浮現係你腦既係咩,係青梅竹馬定係功名利祿?」
個男仔閉上雙眼,第一個浮現既係女仔既笑容,但係好快就比自己著住華服既影像所替代左,
於是個奇怪男人就攞走佢以前所有既記憶,等佢可以忘記過去,心中一片空白,發揮佢最大既才能.
但係個女仔就係家鄉等個失蹤左既男仔返黎,
最後仲因為太掛住佢而死左,
之後佢請求個奇怪男人幫佢既魂魄整入幅未完成既畫像到,
個幅畫就係個男仔畫淨個樣既畫,
所以個男仔由一開始到現在都畫唔到個女仔既樣,
因為佢心存愧疚.
個男仔有返記憶之後,
就走去求個奇怪男人比個女仔離開幅畫,
但係個男人同佢講,
困住個女仔既唔係佢,
而係個女仔對男仔既思念同埋一個希望,
就係希望個男仔可以完成幅畫,
畫埋個女仔既樣落去,
最後個男仔都係完成左幅,
但係佢落每一筆,諗起既都係佢地由細玩到大既往事,
當佢落左最後一筆,
個女仔既魂魄就走左~
但係個女仔仲係好愛佢,
仲好多謝個男仔令佢一d遺憾都冇.
而一個著名既畫家都係同一日消失左,
取而代之既係一個係街邊擺檔,
但係永遠都唔再人物畫既小畫家~~

我睇個陣仲要係聽住apple而家做bg music既淚之物語~
隻歌勁match本書呀!!!!!!!!!!!
真係好正呀本書~~