尋日部電腦又上唔到網,今日早d打,廢事遲d又打唔到呀~
今日返去補課,miss leung同我地傾左陣計,我比佢搞到勁想借碟返屋企睇呀~
之後就真係做練習,悶到死,但係好奇蹟地都冇釣魚喎~以為真係咁勁啦,點知到miss poon就狂釣lu~
lunch好準時放呀~其實係早左5分鐘,原本打算又食新榕記,點知佢地冇學生餐喎~但係尋日又有喎~=?=
最後都係去左美心食,美心d野真係又貴又唔抵呀~所以我就同THUSIY一齊食一碟肉醬意粉,但係d肉醬係冇咩味架,一路食一路傾,傾傾下miss蔡,佢仲攞走埋小渟渟個銀包,真係神出鬼沒呀~
然後就走去買朱古力黎食,正呀!!!!!!
之後去阿菠蘿同ok睇下d糖同雪糕,中途又見到去左新北江既elaine同阿潘,佢地真係食得勁快呀~
返去上miss poon堂,開始釣魚~
到左2點11左右miss就比左個小息我地,我地走左去門口睇d男仔打波,個時朱朱話我知佢地先前嗌「靚仔」,明叔第一個有反應,之後竟然係阿samson哥有反應喎~哇~聽到個下真係o哂咀呀~之後繼續睇波啦~見到邦邦一個波都冇入到呀~其間miss lam走黎叫我地唔好「發花痴」,哈哈~勁好笑呀~
夠鐘入番去上堂之後就冇釣過魚啦~miss poon仲早放tim呀~正爆爆呀!!!
然後等埋阿sue,等個陣同殷欣玩,你記得後日比500蚊我呀~呵呵~
之後同阿ting去新北江攞漫畫同買夾,中途係天耀還左本書,去到新北江之後就同阿ting睇夾,然後食雪糕同薯條,死啦~肥死我啦~而且我仲買左排朱古力打算聽日食呀~
但係阿ting最後都冇攞到本書,之後就走左lu~
而且仲見到apple~好難得呀!!!
返到屋企樓下見到幾部白車同消防車,好似係一樓唔知發生左d咩事,不過既然唔關我事,我都冇咩點理~
入左屋之後坐左一陣,唔知做咩好個陣小倩打比我,我地都傾左幾多野~
但係阿媽返左黎之後我就唔同佢傾啦~=v=
好開心呀~
阿媽話我聽佢個瘤跌左落黎,下個禮拜就會去做手術攞返出黎~
好開心呀!!!!!!!!!!!!!!!!!