今日係我阿公生日~所有親戚好難得全部黎哂呀~^o^
而且今日心情勁靚∼因為我夢到大也同阿壹呀∼佢地勁靚仔呀！！！

今朝唔夠１２點就起左身，勁呀！！！
之後又係到無無聊聊玩電腦，睇下電視，啱啱電影做「一蚊雞保鑣」，勁爆笑囉，笑左勁耐∼
然後到４點幾５點阿媽落下去酒樓先，我就繼續玩電腦，之後比我揾到「無人島物語４」喎，勁開心囉，因為係ｘｐ係裝唔到架，但係可以下載咁即係可以玩啦∼下載左之後唔知點解玩唔到，唔理佢啦∼帶埋張作文紙去酒樓ｊｏｉｎ阿媽，但係去到係勁悶囉∼
因為ｄ親戚左８個，啱啱開２枱麻雀，我又唔啱喎，好在帶左作文紙去作文咋∼＞ｖ＜

作到４００幾字，唔知作咩好ｌｕ，於是就打比阿ｔｉｎｇ，睇下佢點，同佢傾左陣計，之後都唔打擾佢做功課然後去瞓覺啦∼咁啱我阿公呢個時候黎左，孝順到出哂名既我當然係即刻陪伴左右啦∼

然後邦哥哥黎左，比左隻錶我，雖然唔係咁中意，不過都要用，因為隻哈囉吉蒂錶又壞左啦∼而且舅母又比左２５０蚊我，阿公又比左５０蚊我∼勁開心呀！！！

之後食飯，ｄ野上得黎好慢，食飽左等下一道菜等到又肚餓，搞到我食左好多野都唔覺飽，今次實肥死我啦∼＞３＜
食完都１０點幾啦，邦哥哥上我地屋企幫我地睇電腦，我依家勁期待年初一呀，因為佢會早ｄ入黎幫我地整過部電腦∼
但係佢係咁問我有ｄ咩想整，我想玩３ｄ個整流暢ｄ，但係個ｄ唔知咩卡要成幾百蚊，咁就無謂啦．．．

ｐｓ．其實我ｄ表哥真係好靚仔架∼一個學業有成加靚仔，不過佢係矮左ｄ，我都高過佢少少∼
一個就高大威猛加靚仔，而且仲係港隊添∼拍四葉草佢都有份教人地點打同客串架，不過就係行蹤飄忽左少少咁啦，因為成日都去唔同地方打波．．．