今日係學校o既聖誕聯歡會,

我地首先去操場做禮儀,

一路聽一路俾D風吹過o黎,

我...好...凍丫!

跟住番去課室食野,

D同學整左D燒賣、牛丸、餃子、雞翼、布甸等等o既野食啦!

食到我好飽,

等到食完之後,

就拎左好多粒吉百利拖肥糖(嘻嘻)!

之後就玩遊戲,

有爆波波、歌星模仿大賽等等啦!

首先玩左爆波波先,

第一、二次果陣我有玩,

Kibe姐、Ruby姐同Annie都叫我加油,

結果第一次就唔識之後又再玩,

第二次問"DNA中文係乜?"

由於我成日問人DNA中文係乜,

所以就答岩左,

拎左枝筆。

o係歌星模仿大賽果度,

Ruby姐俾人叫左出去,

唱左兩首歌,

一首係"I miss you"同醜女大翻身果首歌,

Ruby姐唱到不知幾深情呀!

之後見悶得滯,

就同同學落去睇人跳土風舞,

其實我都想去跳架!

但係D同學唔肯,

算o羅!

之後學校玩大抽獎,

竟然抽中我喎!

拎左條電話繩,

好無奈...

今次o既聖誕聯歡會咁就完左,

唉!