今日我地組去左荃灣,一開始我地搭巴士去。架巴士搖黎搖去,搞到我超眼訓。到左之後,我地又唔識路,俾個司機老點搭左架巴士,點知我地又落錯站,係就係去左馬灣,但係個個馬灣已經荒廢左,得返d 人係到釣魚。之後我地就諗住去三橦屋博物館,搭返車去左地鐵站,點知又唔識去,我地就去左搭的士,點知原來個博物館就係隔離,笑死我地啦。到左之後,個博物館又冇開門,原來每星期二都休息,搞到又去唔成,我地勁on居係門口影左幅相。去完之後太攰啦,所以去左行下街,哈哈。淇淇同塋塋就去搭地鐵走,我就同阿蛙仲有強尼搭巴士走。但係又唔識去返如心廣場,我地走左去圖書館借地圖睇。我地一路睇地圖,一路行,成個電波少年咁,超爆on居,我地兜左成個圈,之後行返去如心廣場,發現原來就係我地之前個個地方的隔離,笑爆咀。終於可以搭車返屋企啦,攰到我地死。雖然今日我地好on居,好攰,仲成日係到暴曬，不過今日真係好開心,仲識左好多野。
電波少年＊盈字
如何遇見神被擁抱再得起身！‥×再生精采心內滲•﹒〔；盈
麟生日快樂∼ｈａｐｐｙ ｂｉｒｔｈｄａｙ！！ |
