今日都好熱呀！一早就俾媽咪捉左去陪佢同ｄ舊同學飲茶，眼訓死我啦！死基民，搞到還書個陣，要俾人罰＄１９．５。本來應該７號還的書，前日先俾我。今日係ｍｉｓｓ　Ｈｏ生日呀！我同伍倬本來諗住買張生日卡俾佢，但係又約唔到對方，搞到計劃失敗。Ｍｉｓｓ　Ｈｏ生日快樂！今個週末勁多功課做呀！！電腦ＶＢ就已經做死我，中文又爆多功課。我想死呀！！今日睇左《精武家庭》，好好睇呀！呀嬌做得好好呀，呀Ｓａ都好好笑。馮德倫同秋生就當然唔駛講啦，佢地做得非常好呀！馮德倫拍的戲，除左ｄ小角色之外，都唔會有人死，好和平呀！睇完之後，搞到我都想學功夫，好想練下武。今日花咪傻左啦，成日冇啦啦係到叫，媽咪話佢《在家中心呼喚我》，笑死我啦！突然好想游水呀，今晚去游先∼！

　　　　　　　　　　　　　　　　　　　　　　包小盈１號噴射機字

今日好彩冇落雨。今日周會超無聊呀，勁多人係到訓教呀！普通話又要測驗，不過當然難唔到我啦，哈哈！個個李餅乾真係好樣衰，我地一望住佢就想笑。今日中史測驗，我本來識哂嫁，點知突然唔記得左個“守”字點寫，搞到扣左０．５分呀！音樂堂個陣我地睇左《彼得與狼》，ｄ人超爆樣衰，勁想嘔，樣衰到我地想打佢地。午膳我照常去清理家政室，但係見到有個生日蛋糕，後來個Ｆ．４的學姐講俾我聽，ｍｉｓｓ　Ｈｏ聽日就生日，ｍｉｓｓ　ｈｏ仲叫我幫佢地影相，仲贊我有天份！我同ｍｉｓｓ　ｈｏ講生日快樂，佢笑住口咁同我講多謝。真係十年難得一見，第一次見佢笑得咁燦爛呀！唔怪得知今日ｍｉｓｓ　ｈｏ咁好心情啦！今日英文堂個陣，校長同ｍｉｓｓ　ｙｕ都黎左睇我地上堂，我地當然表現得好乖，但係佢地一走，我地又回復本性，勁噪！今日中文上圖書堂，都冇咩特別。放學個陣就真係笑鬼死我啦！我地打羽毛球，點知唔夠拍，我同蔡蔡搶拍，佢係咁用個波打我，但係佢又唔夠我大力，笑到我肚痛，最後我放手，之後佢差ｄ成個人跌左落地！　

　　　　　　　　　（預祝Ｍｉｓｓ　Ｈｏ生日快樂！永遠開心！）

　　　　　　　　　　　　　　　　　　　　　　　　　　　　　　包小盈１號噴射機字