好耐都冇打過blog,

本身打算完咗聖誕聯歡會之後打blog,跟住又覺得要打字咁煩,結果最後都冇打

新年去完西安,想打blog同大家講吓西安有幾骯髒,周街都係屎,冇得洗手果種宏偉境況

跟住諗吓諗吓,其實邊有人會鐘意聽人講屎,結果最後都冇打

就咁樣搞吓搞吓,就到咗依家先打-3-

聽日要去比賽,真係大禍

今日番學校練歌同排舞的時候,唱得太耐,又唔記得帶水,結果就搞到喉嚨痛。(上次考試唱歌又係咁)

平時係班房presentation已經夠哂驚,一驚把口就唔知up d 咩出來

聽日都已經要去比賽(重複x2),但到依然仲係唱錯果兩個歌詞

反而冇人係到的時候,我地就冇問題,但一有路人甲或者miss係到,我地其中是旦一個又會做錯動作

以前在學校講野或者唱歌都有塊板比我望住,聽日去到,成個公園都係d人頭,都唔知點算好

God Bless Me,please