舜  の  誌

唉…都唔知咩事…
今朝一起身就已經八點！！
最後作個理由請病假…但我呀媽又點會俾我唔番呀……
只係請得第一堂…小息番到去啲人都呆哂…
當我係嗰四個超人咁…XD(驚奇四超人=神奇四俠)
第二堂Chem Miss Ng冇番…自修，
但放學走嗰時見到佢揸車番學囉………O哂咀=O=
Art又係諗唔到嘢……又係俾佢催
似足酶一樣係"催化劑"咁款……
放學中文唔洗補課所以落Art room開工！！
因某人要求而post 咗細個啲相上相簿度…嘻…！XD
雖然係幪咗啲…但我細個真係幾令仔㗎……
=3=

今日啲堂搞gag嘅…
中→英→數→Art→兩堂PE→補Chem
唉…今日就算係番咗去做都係冇咩諗頭
Art堂只係將3張畫紙貼埋一齊同喺【512】上噴咗光油…
同Miss吹咗幾句，但最後都係冇諗頭仲要催我交貨……！！=3=
PE堂就無啦啦有個乜嘢三人籃球比賽
本身同隊友都冇諗過贏到，點知第一場嘅對手唔太勁…
贏咗之後對住個似樣啲嘅對手但佢哋都唔係打波嘅…！！←火都嚟埋！！！
痴線㗎！！以為我平時唔去曾大屋打就唔識打波咁囉…！
我見勢就即場走開唔打啦…佢哋又呆咗唔知自己有問題喎…
之後佢哋贏咗入所謂嘅決賽，雙方實力差唔多
不過無論邊隊贏咗我都唔太認同囉……=3=
放學hea咗陣先補Chem…超眼瞓！！瞓咗…
好彩佢再教多我一次…對我超好！又係一齊住喺廣源喎Xd
走嗰時諗住等埋佢，不過見佢係咁叫人走咁咪唔理佢囉……
諗過下食完飯去打波嘅，不過見咁凍就唔lu
眼瞓啦………

我諗今日會係全年最悶嘅星期日啦…
全日喺屋企做Art n art n art...
坐喺房又冇靈感，又唔出得街（要睇住兩個妹=3=）
痛苦！！喺學校都話有人串下咀…吹下水咁…吹吹下都有少少嘢Break到出嚟嘅…
但自己一個呆下呆下點諗到㗎……？
最後坐坐下都係……
喺度打Blog
打完波睇下點…再打…blog…
更新咗個相簿=3=

17歲嘅聖誕節就係喺屋企瞓同瞓同埋瞓…=3=

一啲氣氛同感覺都冇…

都好……起碼唔洗覺得寂寞嘛……

不過難逃一刧…

夜晚同老豆兩丁柚落街食飯…

個個都係一女一仔拖手仔……

希望18歲嘅聖誕………

點？你估下…估到話你知……