|
尋晚訓得唔好呀！！３點幾個時有個白痴仔打黎．．．講埋ｄ好得人驚既野呀．．．攪到我成晚都訓唔返．．．
今朝十點幾．．就落街搭車去觀塘搵阿哥．．佢今日去覆診．．所以去個度搵佢，我仲以為個度好難搵呀！！因為我
都未去過．．點知一去就見到啦∼個度真係零零丁丁得個一棟呀！！ｓｏ搵到啦∼之後我地去搵佢食飯呀！！行行下
落大雨呀！！幾狼狽呀！！成隻”落湯雞”咁呀！！個一刻好想返屋企沖涼呀！！成個頭都濕哂呀！！以前覺得淋雨
好好玩嫁．．但係今日．．．唔知係唔係阿哥係度．．令我覺得淋雨係一種好傻既行為．．不過都係得個一刻係咁諗
．．之後我又會覺得淋雨好好玩嫁．．．哈．．跟住，我同阿哥搭車去灣仔買野．．但係去之前．．我去搵車搭．．
我都唔知又咩車係經灣仔警署．．．連佢都唔知呀！！幾攪笑．．佢係揸巴士．．連佢都唔知．．我又點知呀！！
最後我地都係返尚德搭６９２．．因為我地只係識呢架車呀．．攪掂之後．．我地又搭車去ｃａｕｓｅｗａｙ
ｂａｙ．．買ｍｐ３呀！！超抵呀！！５１２Ｍ只不過係３９９呀！！雖然唔係咩名牌．．但係只需要聽得到．．有
一般有既ｆｕｃｔｉｏｎ就得啦∼∼買完啦∼∼我地又搭６９２返屋企啦∼∼到站後．．．阿哥話肚餓．．要去買野
食．．．去左街市買燒賣同腸粉呀！！見到個個阿姑係咁好手攞住ｄ腸粉切個時．．．已經覺得佢好ｄｉｒｔｙ呀！
咁腸粉係避無可避．．．一定要用手啫．．．但係燒賣呢．．．佢都係好手攞．．．以為自己有用手套就會好衛生．
真係一ｄ都唔覺呀！！跟住我地返屋企．．入歌．．．好勁呀！！個ｍｐ３竟然入左６５首歌都仲未爆呀！！個一刻
．．．係我第一次覺得入歌入到好累呀！！係咁問阿哥夠未呀！！真係好犀利呀！！５１２ｍ真係好大呀！！等我下
次都買返部先得．．．唔使成日換歌呀！！
| 
