HAPPY DAY~~

尋日真係好開心呀~~

好多朋友黎探我~~

最開心既係CHERRY佢入咗黎搵我....

我真係好耐冇見佢啦~~

起碼有2年啦~~

尋日一見到佢真係開心到唔識形容呀..

跟住同佢影咗好多相...好耐冇影相~~

佢地個個都話囡囡好可愛...好得意~~

囡囡改咗名啦~~

叫做凱琳~~仲未改英文名呀~~

唔知改咩好呀~~而家有囡囡之後..生活真係唔同咗好多..

每一日都過得好充實..每晚都好似看更咁樣..

因為佢夜晚喊...唔想嘈住老爺訓覺..SO成日都會抱下佢...

攪到成晚都冇得訓..

希望佢快高長大..健健康康啦~~

一日一日咁睇住佢大...真係好開心呀~~

做人媽咪真係好唔同呀~~

刊登時間︰2009-02-02 06:10 PM    [ 訪客留言(0) ] [ 編輯日誌 ] [ 分享至FACEBOOK ]

bb出咗世啦~~

1月17日我既BB終於都出世啦~~

經過辛苦既幾個中...我終於可以同我既BB見面啦~~

佢一個好得意既BB女...我真係好中意佢呀...

住院2日之後我地就一齊返屋企...

雖然好辛苦...但係有咗佢之後我覺得好滿足...

佢好曳曳呀~~成日都唔食奶...

攪到返屋企一日之後就要返醫院照燈...因為佢黃...

佢又住咗一日之後就返黎屋企啦~~

之前成日同D媽媽講照燈好少事唔使擔心..唔使喊嫁...

但係到自己既時候都係會不由自主咁喊咗出黎...

可能我唔係擔心..只係唔捨得佢離開我身邊...

佢同我真係好似連埋一齊咁樣...

我見佢唔食奶..我會覺得好心痛...

呢D野真係要做咗人地媽咪先會FEEL到嫁...

而家冇咩望..只係望佢快高長大...健健康康...

咁我就心滿意足啦~~

刊登時間︰2009-01-24 03:16 PM    [ 訪客留言(0) ] [ 編輯日誌 ] [ 分享至FACEBOOK ]

差唔多7個月...

唔經唔覺佢係我肚入面差唔多7個月啦...

感覺好奇妙嫁..佢成日係肚入面郁黎郁去...

成日都踢我...不過陀仔真係一件好辛苦既事..

生一個就算啦...

以前未有bb既時候..就好想快d生返個....到而家有啦~~

就覺得好辛苦...因為成日都好唔舒服..成日都要擔心佢會有咩事..

成日都會令到自己好緊張...

不過...始終都係自己既...

到佢出黎既時候....我就會開心返啦~~

前排去買bb野...

奶奶咩野都買哂粉紅色同黃色...我想買d藍色佢話女仔最好用個2隻色..

第日佢一定係隻士多啤梨同埋香蕉呀...哈...

過多幾個禮拜我地就要執定個走佬袋啦...

費事有起咩事既時候,唔知點算好...

好期待呀...

bb一出世...第一時間要send張相俾車車睇呀....

刊登時間︰2008-10-29 11:45 AM    [ 訪客留言(0) ] [ 編輯日誌 ] [ 分享至FACEBOOK ]