2006 年 3 月 27 日  星期一

幾好玩呀．．今日

今日　下晝我返到屋企食野　食完果時我唔係好想返學呀！！又眼訓ｗｏ　好想訓呀　但係 又唔可以唔返ｗｏ　要陪黃金返呀　因為冇人陪佢返呀！！但係我返到學校又好精神wo ．．上英文堂  郭ling見朱sir拎左"答"簿上黎　郭ling已為係派默書簿wo！！我都已為係 嫁  點知豬si話係上學期既．．我地果時勁失望　仲已為派下學期果本．．．玩野嫁！！普通 話堂．．李sir冇返　咁楊sir就代課啦　佢比我地睇碟  我覺得唔係幾好睇．． 之後我見黃金 玩果張紙好似好好玩咁　我就叫黃金比我玩啦！！佢就畫比我玩啦　真係好好玩嫁∼∼放左 學  要罰企 ．．因為之前我同黃金遲到所以咪要罰ｌｏ．．打住咁多先啦．．．

刊登時間：2006-03-27 07:59 PM  [ 訪客留言(0) ] [ 編輯日誌 ] [ 分享至FACEBOOK ]

2006 年 3 月 26 日  星期日

∼悶悶的一天∼

今日　我十一點幾就被ａ媽叫醒　我起身之後就洗臉果ｄ啦．．　我同ａ媽去咗食粥　之後 去咗街市買野同睇衫　ａ媽買咗一件３我地之後去咗百佳　買咗好多野呀！！　返到屋企佢 地重未醒　我就玩咗一陣電腦　睇咗一陣“網球王子”跟住ａ哥就起咗身不過佢話溫書唔玩 比我玩　我就繼續睇“網球王子”　之後黃金就打嚟問我包完本書未　我當然包完啦．．佢 就問我借嚟睇　當然冇問題啦！！不過佢都借咗幾本比我睇∼∼打住咁多先啦．．．

刊登時間：2006-03-26 10:52 PM  [ 訪客留言(0) ] [ 編輯日誌 ] [ 分享至FACEBOOK ]