今日朝早起身...個肚超痛,以為冇咩野..死死下咁搭車番學補課~~
點知..番到學校....真係頂唔順....早退..
出到門口~~個校工見到我咁..叫我搭的士...
點知連續兩部的士都有人...痛到我跪左係到~~好在有Miss Tai
佢幫我去到街口叫的士....結果我飛的去美孚叫媽媽同我睇醫生~
我到左先...醫生未開...我痛到差d係門口暈低...一開門...個護士優先比我睇先....
一入到去...痛到跪左係個醫生面前....佢即刻除左我條褲打針....
我既第一次啊....又冇左= =睇完之後....係就係冇咁痛....但都痛到想喊...
跟住飛的番屋企...個肚仲係超痛...食左藥訓左陣都仲係好痛...
直到而家食左d白粥先冇咁痛...期間...好多朋友仔打黎關心我~~多謝你地^^
死周傑....連我病左都唔知...仲叫我出去踢波...你好想我死咩......總之....
今日就要多謝Miss Tai同各位同學仔~~
仲緊要多謝我媽媽~~佢一直係我身邊照顧住我~辛苦你啦媽咪~~XD