今日上左It..呀Sir..好攪野成日比人質疑佢既專業知識,哈哈！

Maths做Ass4..好快做完..係屋企做晒ma..

上Wpd..一下唔小心Del晒D野 ..又要從頭做過！好彩趕倒..好快做完
又比呀黃串...堂堂串我..家陣我好好串咩... 原來呀黃係christian..
唔怪得下下質住晒...！要小心D啦我...呵呵~

返到屋企..有個人...問野攪到我好"興" ..我講倒嗌晒喉嚨！

仲有12日...

今日話說去左M記食野ma！之後呀保母要換手帶喎~咁我同爸爸去買..順便幫佢買埋啦！咁見倒白色喎..跟住我同爸爸講不如幫anthony換埋啦！反正上次都無..佢又問我幾時有喎！返到學校，我地去埋廁所..見到anthony..我就話...'e..anthony喎"跟住o佢走埋黎..用中文講"仲乜叫到好似friend咁架？"無啦啦...又講英文..我話...講中文啦..之後佢竟然話我"你麻Q煩呀！..." ..佢咪又係繼續講中文~
之後爸爸比條手帶佢..話..
Anthony話比返$$爸爸啦！爸爸話唔駛...
我話..你就黎走啦ma..
佢誤會我既意思...佢話"我係離開Hk返taiwan..唔係走左唔返...你講到我好似去死咁"
我話︰我都無話你死..我話你可能唔返黎HK之ma..
佢話養返好個病就返黎~跟住唔做仲乜佢又話我麻Q煩
原來佢喉嚨敏感..喎！所以佢成日問人邊個住係元朗..睇邊個中醫好喎！
佢望住我...我話我住係粉嶺架喎！..佢又look大隻眼喎！
之後保母出聲..講話邊個醫生好..保母講完醫生個名
佢係喥講,講極都講唔倒...又話佢自己唔識寫...中文..
佢識寫普通話既字喎！
咪即係簡體字..我夠識寫洛
我同文文講話下次可以叫"hey安東尼！"
講左一陣..原來..夠中啦！要上堂...遲左2mins..
呀黃都未點名...就話我遲到..開始開玩笑地罵戰
之後我話︰個個老師都係計點名架啦！"
佢話︰我唔係喎！
爸爸佢地指住電腦個中話..都未夠..
呀黃又指住mmlc個中話"你睇？"
我又話"車！break你就計電腦個中﹐計準時就用mmlc個中！"
(因為mmlc個中係快幾分中架！)
~罵戰完畢~
放學既時候....呀Sir指住mmlc個中話"我地計呢個中呀！落堂啦！"

放學去左搵ACC呀sir..問佢拎佢個Timetable..哈！好似話有試卷啦喎~
不過呀Sir話..份野出得唔好..出個個人好似唔識ACC咁..佢又話Acc好少有MC..
跟住我話"咁點算？"
呀Sir話..有我係喥..怕咩？
 .wah..呀Sir萬歲！~~

今日上堂無啦啦收到Eddie電話！

放學搭車..唔佑做乜又係喥諗好多野~~

dearest 爸爸︰
今日真係唔好意思啦！WPD煩你！Sorry

仲有14日咋...時間唔係靜返好多

D功課...>"< ..點算..

++Happy Birthday To Jo++

今日係我XX歲既生日，好開心今日日...多謝你地陪我一齊過呀~
食Lunch去Pizza Hut食呀...好低呀.....$165既餐都食唔晒呀！
因為呢...滿$80送多一個小食，我地送左2個...總共有成5檥野食

之後行左陣..因為食Lunch有2hrs lunch..仲係喥玩保母！哈哈~~~~~~~~
跟住ENG堂...之前...Michelle猛係喥用中文同呀Sir講野..呀Sir..足之忍唔住
爆左句歪歪地既中文"點解"勁Surprise..佢講中文好得意..平時都係講英文
一係有時爆一句PTH..呵呵~~~~~~放學既時候...呀Sir無啦啦楂住我份軟林林既禮物
問邊個架?我架...之後又問你今日生日?..係呀..."oh~Happy Birthday"

跟住去左搭巴士...去MK...食飯..我地係車喥做ENG HW..跟住Shan隔離有個男人
無啦啦同佢講英文..不過我坐佢地隔離條行..唔係聽得好清楚...只係聽倒Work Hard..
之後雯Ma隔離個人走左..我坐左過去...個個人拎住Shan本野黎睇..
隔左一陣...佢睇完我問佢"where do you come from?"
佢竟然用普通話答我"下..什麼！"
之後我用普通話問佢"你從那裡來?"
原來係內地..之後成程又用Eng又用普通話黎傾計..
係學校學到既野終於可以拎出黎用啦...
不枉我平時有諗下..呢D英文點檥講...個D普遍話點檥講！

好快到左MK...去左青葉到食..OK la..
好耐無見文爸啦.......哈！Happy...
食食下有個男仔打電話黎...話"呀JO?"
我答".係..你係...."
之後佢個電話...唔係收得好清..
Cut左條線...
過左一陣..又打黎..問我仲咩Cut佢線..
我"邊有喎"..
佢又話"係你..仲乜話係我.."
之後又收唔清Cut左線..
因為係無來電..所以唔知邊個..
之後都有幾個無來電架！唔知係咪佢..
搭lift又有個無來電..但我已經入左lift..收唔倒...算啦！
食左個半中...走啦...去左旺中行左陣..
好耐無去啦..
好開心..同佢地玩到癲晒...Ha...好似一班好耐無見既朋友咁..
快樂既時間仲係過得快架..
好快返屋企啦..大家聽日都要返學...
返到屋企..有b-day cake食呀！woo...

多謝你地呀！雯媽同呀B聽日要返8點幾..今日都行陪我渡過！
多謝Send SMS黎既朋友
多謝打電話黎講"生日快樂"既朋友
多謝Money狗...佢都識同我講生日快樂..

多謝你們的祝福...你們的禮物..我會好好保存.. 

今日無乜特別丫！...不過 Eng Anthony....無啦啦叫我去食M記...幫佢換手帶...仲係喥用"Free Lunch"引我..不過我岩岩好返..驚...反發,所以叫保母食...我都好想食..好耐無食過啦...換完之後搵佢好幾次..都唔係喥...放學先係喥..仲話下次又幫佢食再換過...佢自己又病又要換...唉...跟住我話" Free Lunch"下次仲唔到我..今次..無得食...原本佢都應成我..有Free Lunch.不過唔啦...

之後放學去拎返本書...終於幫我續借返啦...唔該....仲有，多謝你份生日禮物..係一把雨傘..唔係Tigger...但都好多謝你呀！

今日是母親節...祝母親"母親節快樂"！今日沒有什麼特別慶祝..因為天天都是母親節...只是出去食飯！

反而自己收穫豐富..首先..今日以利亞組員為5月份既壽星仔女..慶祝生日...當然是有我份啦,哈~食了生日第一個蛋糕..可能也是最後一個呢... ...之後收到份禮物和無限的祝福！THANK You!!!!!!

返到屋企繼續做埋CMC,,份野...終於做完...聽日present....呢份野真係有血有汗...趕埋個cover..
就出左街吃飯啦..又去雙魚亭....家姐同JODIE都有出席....食完..之後...坐家姐借黎架車...不過呀爸楂車..好耐都好似坐過啦喎~..攪倒我諗返以前成日去呀爸公司喥...坐佢地D車..同D朋友仔係喥扮楂車~
仲記得上貨櫃車,細細粒...又矮..又要上...人地要抱我地先上倒....
家姐同Jodie同我去左揀禮物...HAHA..份禮物係XXXXXXXX..唔話你知....
大家想唔想知我今日許左咩願呢？其實係..希望可以快D識吞膠囊...

計埋今日我收左三份生日禮物~雖然未到正日..仲有聽日...但我已經好開心啦！
 

多謝大家....

  朝早先發現有本書昨日未續租喎~死啦....發現既時已經差唔多要出尖沙咀睇牙醫啦...
不過我都落左上水先...唔...諗住行路但後來都係搭車..但仲諗緊還唔還好...唔 =_=
跟住諗都係還左先..一路行一路諗...如果見倒朋友就好啦...可以幫我還左佢...但行下..都係返轉頭
點佑有個人飛身撲埋黎....原來係呀敏喎..我立即叫佢"你可唔可以幫我還左本書呀？"我要趕住出去呀！"..佢諗都唔諗就話幫我啦... ..好感動呀.... THX GOD... 我打返電話比佢同佢講唔該..唉,我真係完全極度大頭蝦 lor.....

終於整左小小 eng disscus同chi 同性戀..不過都係唔知點整呀...>"<諗住8點幾身做野....不過最後懶床到9點幾...先起..仲要比人嘈醒 煮埋早餐洗埋3晾埋3已經10點幾..之後對住個 eng homework呆左十幾分鐘..唔識做..問人..個個人都唔識...唯有做第二 d..
 

之後去左洗牙...出左智慧齒wor,無先兆又無痛...好....第二邊都出緊啦..哈...
過左 MK join老豆..去左食野...點知撞倒以前係粉嶺店做既姐姐呀...原來佢調左店
唔怪得好耐唔見佢啦..佢又認得我...

朝早上CMC又睇戲呀..睇左小城??既一半..因為悶所以轉碟睇..4個婚禮一個葬禮..都係睇左一半..~都Ok la..不過唔知睇黎仲乜喎~ 之後上It都無乜特別..上返理論課..有D悶...不過好快就落堂..放學啦~
呀B同媽放之後出左去行街..咁好精力..我已經攰死啦...應該又係藥物反應啦~哈哈...
返到屋企食完野坐左一陣就去左hair cut la..都無特別丫...問Miss借左DVD...未開封就比我借左啦..
"不一樣的爸爸"..唔知好唔好睇!!!!!!!!!!!!!!!!

終於有時間改板啦~唔知大家覺得點呢??
比D意見啦~THX

中華傳道會-上水基督教會堂慶....

今日朝早搭車見倒呀B同雯媽..原來呀B又遲左起身..係大埔過黎一齊搭巴士返學~坐左係巴士一陣.我就訓左..食左藥呀 醒左原來呀B又訓左...不過都差唔多到啦~落到車..行行下我對人字拖.....爛左.. 唔知點算,..個時8點幾.乜店都未開...唯有夾住對鞋返學校痴膠紙...好似隻腳跛左咁~瘀~~~~~頂到放學..

呢排一係返朝8晚5..一係返9-5...超攰呀...成日車喥訓著左 仲有聽日..好彩返半晝...
今日成日都好晏訓呀...PTh睇碟又恰著左...由朝上到晚..無停過.
呀B又係喥唱 "三隻小熊"丫...笑死..仲要做埋動作喎！

文爸~聽日你會考Eng...比心機啦....支持你.....係玩既時候..
易拎~你都要考Eng..比心機呀..一定升倒F.7 ga!!
Try Your best！

今日一早諗住上上水睇醫生啦~點知我去到8:30..睇下開左門未..未喎~仲諗住睇完去返學啦~都係要等到放學先睇呀~

之後返到學校去埋廁所見倒保母..又9:30..未上MMLC室Lor..點知..等到9:45(上堂時間)呀Sir未黎...第二班同學岩岩上完堂落黎~再等多陣..我地成班擅自走入MMLC..玩~點知...呀Sir成半個中先上黎.仲要人叫先記得要上我地堂..佢入到黎又好似岩岩訓醒咁~~ 之後又問你d想用剩餘半個中做自己野，之後補返一個中比你地...定上呢半個中..之後再補半個中...擾攘左一陣...呀Sir..叫我地做埋昨日份PPT同Excel..點知..我地昨日D野比人Del晒lor... 又叫我地做過~Ida話︰即係我地昨日白做啦??????我又附和扮發副氣話︰唔做啦...做完比人Del既..唔做啦 ~呀Sir..立刻擺出一副好內久既樣出黎..笑死我~~呵呵~~~~跟住呀Sir話算啦！我講D Exam Skill啦~好快又過左啦....

我同雯媽話...早知睇埋醫生先啦...佢好大反應話"你又睇醫生?"

之後Maths堂、Miss話記得17號Presentation..之後我話"得啦！個日你生日呀嘛~~~~~成日提住自己生日....

返到上水已經好攰啦~睇醫生又聽錯醫生講野..睇"蔡醫生係咪食藥水唔會沙聲?"跟住我聽倒"睇錯醫生食藥水唔會沙聲~~?" .....我都知咩事啦~~又係氣管發炎啦…