到今日為止我究竟寫左幾多篇日記呢?我諗都唔少lu

咪睇呢度得果幾篇日記

我大多數既私人日記都係寫係我個腦同心入面

唔開心既時候我會寫日記

寫埋寫埋好多好多

多到就算係今日寫既日記

我都會唔記得寫左咩,剩係知對我黎講係好有意義既日記

但而家我想多d係呢度寫

因為小傻,我想多d寫日記

有件事唔知大家有冇發覺到

原來咩都收埋係個心入面既時候

人係好少再流眼淚,因為個心會代替你既理性去唔開心同流眼淚(即係血)

但一旦講出黎既時候,就好似要缺堤一樣會好容易流眼淚出黎

但我覺得咁樣都唔錯,起碼自己既唔開心有眼淚為證,證實真係存在過

我想小傻咩都同我講

唔係想佢係我面前表現佢軟弱既一面

只不過係我想關心佢,都因為鍾意佢,愛佢,我緊加有呢種諗法

我唔想佢唔開心

所以我想佢講出黎

然後所有唔開心既野由我承擔,接收

我剩係想佢日日都咁開心...