今日訓到10點幾啦~

起左身之後就同呀妹玩下電腦~(好呀哥黎架-------->作嘔)

跟住就食lunch~

然後就去左筲箕灣上堂~

成班人係度籌備緊22號個結業禮~

士氣高昂呀~

落堂之後...

Helen捉左我去一邊...

同我傾計~

佢話見我呢排唔多開心~

問我咩事~

點知講講下就講到屋企既問題~

最重要個幾點係....

1.Helen:你要知道你呀媽唔可以照顧你一世架.你唔可以咩都倚賴佢.唔通你認為咁你會長大到咩?

2.Helen:你覺得自己同d同學差得最多係咩呀?

         我:獨立囉

   Helen:咁咪係囉.雖然你個樣好baby face.但係成熟呢家野同個樣冇關架.可以係處事.行為等就會睇到架啦.我地呢班同學個個都同你一樣大.但係你係咪覺得佢地大過你好多呀~

          我:係呀~

   Helen:其實可能你屋企環境比佢地好.所以你d屋企人就太保護你.咩物質都提供曬比你.唔使你做.好似佩善咁.佢同你一樣大.但係佢已經做緊part time.我唔係話叫你出黎做part time.但係起碼佢一定會成熟同獨立過你囉.你而家最需要既係對自己既反省.你要知道自己都15架啦.唔係一個細路.就算平時有人蝦你.你都應該識反抗.你自己既行為亦都應該有所成熟.你要明白.你呀媽唔肯放手既原因就好似.如果你係人地呀爸.你個小明友未識行個陣你都會驚佢仆親啦.你實會捉住佢隻手架.你就好比個細路咁.你做事未成熟.你呀媽又點咁放手呀.....

   3.Helen:你要知道人生既意義要自我發掘既, 一路行一路試下摸索先會有答案, 人地畀你既唔一定係你既答案. 所謂人生道理就係做人既體驗, 自然有一d令自己生活得更好既方法啦, 例如對自己好d對人好d生活自然開心d咁啦, 人生道理有時都係一個人既價值觀黎既....

4.helen:....你要多留意時事...多經歷一些事.....你要從一些小錯誤之中...諗下到底你要點做才為成熟...知道嗎...你始終要一步一步來....把小小經驗再加多小小經驗..慢慢累積..你便能漸漸地成長．．．因此一個人的成長是裊影響一個人的思想成唔成熟的．．．

唉傾傾下就30mins....

helen你教識左我好多野~

我上左一堂好好既課~