|
今日實在太攰喇~~放自己一日假!!
君講d野,,令我好有d唔知點咁既感覺=3=""
總之唔係咁好啦!!!
係屋企抖下抖下,,睇下tv,,玩下電腦,整下日記,,
老公打黎,,同左佢出去大中買野__
買完野,,行左陣大中....
去左吉之島行=v=
我地係度玩野咁.....老公輸左!!哈~
今日撞到好多人=.=""
first,,po yan,miki......
then,妍+亭
再之後,fai kit+pui!!!
仲見到阿pink+南......
好笑~~
老公,,你話我唔了解你屋企....
你覺得真係嗎??maybe啦....其實今日我都唸左好耐....
我同你屋企好唔同...
我媽唔再係度,我爸唔生性,但我有一個好好既阿哥.....
你屋企一家四口健存,,你爸唔掙氣,,但係你有你媽同細路....
你有媽媽鍚,,我無....但係我地一樣都有一個好好既阿哥/細路...
你屋企既錢銀,,maybe係我唔清楚....
你媽同我媽一樣,都係一個女強人,支持住成個家....
但係我唔同你,我媽已經唔係度....
你媽同我媽都好鍚自己,,但係我已經失去,只有回憶....
我相信我家既經濟點都唔好你幾多....
最初我媽走左,成個家都支持唔住....
乜野費用都無得交....水,電,媒,我既學費,書錢.....好多野都無得交~~
屋都試過差d無得住....你知道我既心情係點嗎??
日日都好驚聽日會點聽日會點....每日都唔敢番屋企....
我好驚,,唔知點做...我就係因為唔可以睇住個屋企咁,,
我唔要成為我哥既負擔,我先要自己養自己....
最初,許姑娘乜都唔知,,我咁樣自食其力過左大半年,
但係你又知唔知我當時既生活係點??好痛苦..無人幫到我~~
第3個學期先叫做有人幫少少,,但係我就永遠唔可以脫離打工,唔好忘記當時既我只有15歲...
半工讀,唔容易架!!而且我既責任唔單單只有自己,仲有成個家!!
我都唔知點解我可以咁就改左成年....我既童年會係點??
你有既,我未必有....點解我要用咁多$$?係因為我再無我媽既供養
乜都係靠我自己...但係你唔係...其實你依家既屋企,就好似我以前既屋企...
有無阿爸係度,都唔在乎....我一樣好著緊我媽,你都一樣...
以前我剩係覺得,有我地三個人一齊,就乜都唔緊要...但係依家唔係.....
我既生活改變左喇....我唔覺得自己有d咩幸福.....你明唔明??
你話你想出一次街食飯,都無乜可能....
但係你又會覺得我地家人之間食飯,次次出去食,好幸福嗎??
我唔覺...每次,都只有兩個人係飯枱上面...一係就我爸,一係就我哥...
你又知唔知中間人既感覺,一d都唔好受><
我好想係屋企食飯..但係永遠都無可能....
因為我媽唔會再煮野俾我食....我已經兩年都無係屋企完完整整咁食飯...
你又會唔會兩年未出過去三個人一齊食飯??我相信唔會....
我今日喊,係因為我唸起我媽,,唸起以上所有野....
我唔會唔明白你屋企既情況,因為我試過好似你咁,or更差既情況....
我唔係想同你鬧交,令你更加難受,,而係我想你知道我唔係你想像中,
乜都未經歷過細路女...我想你知道,我更明白你,因為我經歷過,我仲比你經歷更多....
今日既喊,係唔關你事...只係我敏感...唸多左....
珍惜係最寶貴架!!當你無左既時候..先黎後悔,太遲喇!!
我果時,每日都好好珍惜同媽一齊既日子,,果段回憶係最美好!!
所以我無後悔,,同樣,我唔再嬲我爸,係因為我知道我爸都年老,到過生既時侯...
我會好後悔無曾經對佢好過.....
所以我先要同佢好好相處....因為我唔想後悔!!
我唔知打咁多野出黎,有無幫助...
但係我感覺好好多!!
都係果句la,,
我唔係最慘果個,你都唔係,,因為有好多人仲慘過自己!!
|
