|
我覺得唔開心,係因為我著緊你,
我唔開心,係因為我真係好鍾意你!!
我唔想太管你,我怕你會唔開心,
但係相反,,我都控制唔住自己既情緒...
依樣野,係我為你做唔到...
本以為我對你好有信心,
原來我心入面對你既信心仲係不足....
我想你陪我,係我太唔企係你角度唸,,對嗎??
我係知道你鍾意陪朋友多陪我既人,,
所以我唔應該強迫你為左我而陪我多d...
但係咁就等於唔使陪我嗎??我希望唔係。
相信大家,一齊解決問題,我好想做到依一點...
今日發你脾氣係我唔岩...但係相反,,你都已經5日無陪我喇...
我因為咁而發脾氣,你會認為我無理取鬧嗎??
如果係,我向你say sorry,,
最近我既心情真係差到無法形容....
令到你受害了...係我既疏忽...
我心入面好唔舒服...係因為依家既你有d對我忽冷忽熱...
但係我又覺得只係我過份敏感,,,
我每日都係度喊,,就係因為左依d野??我都唔知道...
最近我開始變得軟弱了...
我好想好似以前咁,我唔開心,你係我身邊,,陪我傾計,,
最近既我地,好耐未傾過計喇,對嗎??
我好想知你既感受...我好想為左大家而改變......
我好想了解你再多d....可以嗎??
我地好似以前咁一齊傾計,一齊了解大家,
分享大家既唔開心同開心,好嗎??
我真係好想_______我唔想冷淡,,可以嗎??
１．要對自己有信心，即係話唔好諗住對方好容易會唔要你，
好容易會講分手，佢選擇你，已經証明佢係喜歡你愛你，
若然最後分開，未必係你唔好，只係大家相處唔到。
既然係咁，就唔好亂諗，成日船頭驚鬼船尾驚賊，少少風吹草動都煞有介事，
咁樣兩個人會好大壓力。
２．要放低自己，即係話當你同對方相處時，
對於另一半ｇｅ行為或者反應，必須唔好太多個人詮釋，
要知道我地並唔係佢肚裡面條蟲，我地諗ｇｅ野未必代表佢都係咁諗，
而有時我地好喜歡以為自己咁諗就係咁，仲要將呢種諗法不知不覺地
套落對方身上，最後只會令到大家ｏ係溝通ｏ個陣有好多ｂｉａｓ，
甚至有好多主觀諗法阻礙訊息ｇｅ接收同理解，
例如對方可以因為攰而木口木面，大家都可以諗成佢係冷淡左，
或者鬧情緒、嬲自己之類，
到開口講ｇｅ時候，我地對於另一半ｇｅ解釋通常都係接收到３成左右，
然後慢慢會形成惡性循環，咁就弊∼∼
所以要代入對方想法同埋佢當時ｇｅ環境，信任佢ｇｅ解釋，
並且唔好要求對方完全接納自己ｏ個套諗法，盡量要自己接納佢ｇｅ諗法，
仲要放低自己一ｄ不合時宜ｇｅ期望，例如要佢打電話俾自己、同自己道歉之類，
即使係佢有錯，擺明係佢有責任，但我地都唔可以勉強，亦唔可以講到出口，
因為呢ｄ只係我地ｇｅ期望，佢唔做佢有佢自由，佢亦可能有佢原因。
３．要抵得諗，好多野ｏ係愛情裡面無得計，唔好因為少少事，
就要求對方做一ｄ野黎補償自己，例如ｓａｙ ｓｏｒｒｙ，
佢係咪知錯，從佢ｇｅ無聲行為裡面睇得出ｇｅ∼∼∼
甚至有時對方太忙冷落左自己，咁就自己做多少少，主動ｏ係唔打擾佢ｇｅ情況下，
做ｄ野佢關心佢，呵護佢，例如送你親手整ｇｅ湯，ｓｅｎｄ個ｅ－ｍａｉｌ，
寄封信關心佢，或者可以影一ｄ好靚ｇｅ風景相俾佢望到ｒｅｌａｘ下咁樣，
千祈唔好記住自己做得多，而對方好似無付出咁，
咁樣只係計緊，但對方能夠開心，能夠感到幸福，已經值返啦，
唔好要求對方做更多，只要求自己盡心盡力付出，對方收到就夠喇！
４．→有時我地都會覺得點解另一半成日都講極唔明，
甚至好似唔係好理我地感受，或者有時我地做ｇｅ都係想對方好，
不過咁，當對方真係好似唔明你或者唔理你感受之前，
我諗大家都要諗下究竟我地又有幾明白對方呢﹖
我地又有幾理解對方感受呢﹖係咪我地認為ｇｅ好對對方就係好呢﹖
明白對方，係指你必須從對方ｇｅ過去、成長經歷等等，
建構成佢今日ｇｅ性格ｇｅ因素裡面代入，了解點解佢會咁諗，清楚點解佢會咁做，知道佢心底真正需要，
唔好判斷係ｏ岩定錯，因為你同我都無資格判斷，
即使我係佢阿媽都好，佢咁做一定有佢ｇｅ理由同埋佢ｇｅ需要。
如果能夠每次嗌交或者不滿前都咁樣諗一諗，
我諗嗌交次數或者誤會次數可能有機會大幅降低∼∼
| 
