依排，迷上左Dollcena呀！吓~~~唔知係乜呀？唉！我比d圖你睇下啦！

00雖然係灰姑娘，不過佢冇真果隻咁醜樣！

          情侶版米奇！

係咪好q呢？我仲有勁多Dollcena ge圖呀！

各位女仔朋友，不如我地每一買一個交換做聖誕禮物丫？？如果男仔朋友想送比我都唔介意嫁！

喂喂喂！！乜你地咁奈都冇留言嫁？？快d留言啦！唔該！！

今日幫左kai子更新左版面呀！(收左宣傳費嫁！）

琴晚我同埋我表妹仲有阿wing一齊去左基督教少年軍，起初我地見到一班個樣好似童子軍咁ge物體，簡直笑到爆(顯然我地冇著制服啦！唔係我地點會笑人姐？)不過，原來佢地果度好好玩嫁！果D阿sir好好笑ge！不過...我就唔係好鐘意步躁啦！不過我下一次都會番嫁！（多d人黎陪我丫！）kaka!

近日，我聽到梁洛施ge新歌-----戀上你的blog,我好希望大家都盡快戀上我的blog啦！

                                                                好無奈的星期六 

今日姓楊叫叉明ge衰人，明明叫左我地成班人出黎，但又唔知要去邊wo！之後，班人就提議一齊去銅鑼灣啦！大家喺度行左一陣就走到散哂！女仔有女仔行；男仔有男仔行！大家最尾就喺麥當勞集合左啦！不過果陣時D人都走得七七八八啦！最好笑就係一個「火羅」精（我唔講係邊個，如果有同我地一齊去ge就應該好清楚！）比人玩，比人偷左d薯條，就喺度發脾四，話要走，點知過左一陣，又毛啦啦走番番黎，跟著我地問佢做乜毛啦啦番番黎，佢就話：「我出去食薯條之嘛！」佢真係好「火羅」呀！正一   「火羅」精！！之後我地班女仔去左時代度行街街！我去左Crazy Prince&Princess果度買左一條頸鍊(好靚嫁)！走之前我地班女仔去左sasa度狂掃貨！阿Wing買左一支好香青檸味ge潤唇膏，關浠然就買左一支好靚ge唇彩，而我呢，就忍唔住買左四支好迷你ge指甲油(好可愛嫁)！kaka!（更新左版面呀！）