本小姐今日去沙田行街街啊~真係好鬼開心呀 !
今日,我最好個 fd - 『阿 Ching 』生日呀 !
本來,我諗住幫佢慶祝 ge ,但佢拒絕左 !
當時我諗我最好個 fd 生日 wo ,我唔可以乜都唔做 ge !
於是我就請左佢食餐飯同埋送左條好靚 ge 頸鍊比佢 !
希望佢感受到我小小 ge 心意啦 !
唷呀~我突然好想自己快 d 生日啊 !
今日,我同 d fd 約埋一齊出去 APM 行街 !
點知佢地約埋某人出黎,搞到我又 d ......
初初佢特登行埋黎同我傾計,但我冇理到佢 !
但之後佢當住咁多人面前同我講 :
『小儀~Sorry啊！
係我唔岩,係我唔著 !
求下你唔好唔理我啦 ! 』
搞到我好尷尬同唔好意思啊 !
之後,我覺得好瘀就同 d fd 講話有 d 緊要野要做,要番去先 !
真係唔好意思啊~掃大家 ge 興 tim !
依家,我覺得好煩啊 !
究竟我應該點算好啊......
朋友們啊~唔該你地幫我諗下應該點算好 !
乖巧的我今日,乖乖地留係屋企休息,冇出去玩啊 !
啊~我發現呢原來留係屋企都可以好開心 ga !
可以睇電視啦,煲碟啦,睇書啦......
你地唔好睇呢 d 野好似好簡單啊 !
當你享受做個樣 ge 時候,就唔會覺得簡單 ga 啦 !
今日,我都差唔多好番哂 lu !
聽日可以再出去玩啦~真係好Happy啊 !
大家聽倒我講黎句說話個陣,係咪覺得我好自相矛盾呢 !
岩岩先講完係屋企都好好,轉個頭就話出去玩 !
我話你聽啊~始終都係出去玩好過留係屋企 !
任性的我今日,同 d fd 出左去西九龍中心行街買野 !
結果,把傷風搞到嚴重左小小 !
總之今日出街個陣唔貪靚著多件衫啦 !
“講到自己好似賣身咁~哈哈 ! ”
算啦~反正今日我買左好多自己鐘意 ge 野 !
就當係傷風 ge 小小補償啦 !
你地知唔知啊~我買左對好靚 ge 耳環啊(好襯我 ga ) !
希望今次唔會再唔見啦 !
次次對耳環唔係比我整唔見左一隻,就比人偷左~激死我啦 !
我今日真係好開心~哈哈 !
“希望自己早日康復,可以精精神神咁去玩 ! ”
唉~為何今日天氣會咁凍令到我生病(我傷風哦) !
今次真係不幸啊~>.< !
點解......點解......個天要咁對我啊 !
點解早唔病,遲唔病,依家先黎病 wo !
本來,我諗住聽日就同 d fd 去玩 ga ,依家冇得去啦 !
咁難得先放假,有得去玩下 !
點解唔比我去玩下開心下 wo !
平時番學,我已經被個 d 功課,考試,測驗搞到我成隻『狗』咁啦 !
我受夠啦......受夠啦......真係受夠啦 !
我唔理......我唔理啊 !
總之聽日我一定要同 d fd 去玩啊~哼 !
