星期六都要番學，真慘呀，嗚.....

起身個時因為返訓，搞到我遲晒大到，用左不足10mins既時間已經搞靚靚出門口，

返到去仲撞到sy 佢地，先慢慢齊齊上門口。

eng堂，又係一堂boring既堂，不過都只有呢一堂可以見到group 6 的同學仔，

想下想下，又真係好想回去group 6的日子，唉....

放學，食完lunch之後，過左mk，同P仔AND娘去左朗豪坊行一陣，

後娘走了，同P仔去左奧海城，諗住睇FILM，誰知又睇唔到，

見到有節目，有NIKI呀，佢唱左兩首歌歌!!不過等佢等左超耐呀....

後去左多間戲院睇下有咩岩睇，3間都冇，唉...

難到比一個機會我地睇下都唔得...唉.....失望!!!!!!!!

食左個TEATEA就回家去。

返到家，有幾件事情發生了，

一是呀B哥哥同我傾計計，而且仲知道佢的真名了，唔可以再叫佢既乳名了，

二是那個汶汶回了E-MAIL比我，好意外，好開心呀!!

三是白羊仔百忙中打左個電話比我，又開心!!

四 當然是大佬的電話喇，當時離個電話都幾遠，

    若不是那首"大哥"的鈴聲比我知道係邊個打黎，我都唔會走去聽呀!!

    哥真好，知道我有事，特來問侯我。

失望後又給回我一個希望!!!!

今天7時多就要起身，每星期五都要咁早起身，真的不開心呀!!!

回到去都幾早呀，哈哈!!

上了連續4小時的堂，都不太累，少有呀!!!

break時，出左去傾計，衰人annie係度亂講野，哼!!!!!!!!!

lunch過後，去了行左一陣街，

後就去圖書館睇書書喇，不過始終沒有太多的書給我去借閱...

最後，同安安借左幾本書就回始創了，

一上到10樓，即見sy同helen，咁就係度傾左一陣計，

當sy問到annie佢地呢，我同安安即係異口同聲係度講，"係圖書館失散了"，哈哈~笑死!!!

番學校，又未到時間，我地上8樓hei下，之後經過商議後，決定參加war game了!!

本由200多元，依家可能先只需70元，又唔係成日有得玩，真係值得去玩呀!!haha!!!

上多一堂，就放學了。

不知你發生咩事，但係你要知道我會支持你!!

知道嗎....

今天不用上學，早上7時多就比mummy噪醒，

因為今日要回大埔家向契爺，契媽拜年，

返到去先去了一去銀行搞d野，點知去一去已經花了一個鐘既時間了，

之後先慢慢行去契爺，契媽的家去，

見到契哥哥，佢又大個左好多，靚仔左好多了，

佢地成日都吱吱喳喳傾過不停，真係好多野傾呀!!

契媽又煮野食比我食，開心開心!!到了一時多才走。

而媽媽約了她的朋友們飲茶，我便同佢一齊去，

點知原來超多人黎wo，

不過都唔係唔好，因為我又收多左好多封利是了，哈哈!!!

成班都係大人，只有我一位細路，他們有他們說，我有我自己玩，不過....都好悶耶!!

完了，與媽媽去了晒相，嘩!!晒一晒原來有四百多張，會否多了些少呢.....

之後，諗住搵大埔友出黎，誰知媽媽又有要事需要我幫忙，否則的話，真想搵大埔友出黎一聚!!

在閉車前一刻，趕到去借書，今次有好多岩睇的書，好開心呀!唔知點解好有滿足感!!haha!!

夜，與大哥傾了一會兒，好久沒有與他談天，好開心耶!!

剛看了妹的日記，

好多謝你咁眼訓都肯陪我傾，開解我!!

有你知己，真的很開心!!

幾日冇打日記，不是沒有時間，而是根本沒心情打，不知應該點講....

幾日發生的事情都不太多，沒什麼"非常非常大"的事情發生，

只有一些一直都藏係我心中的問題，又再次發生，

時間一日一日過去，我明白了好多野，

有一些東西，真係要放多些時間才能明白，

雖然明白過後，你或許會覺得不開心，

但無奈，人生就是如此，事實始終都是事實，

或許我成日選擇逃避，但我真的很難去面對，很難接受這事情的發生，

做錯了一件事，我已經很後悔，不過....事情真的發生了，

想補救，但不能，

無可能當佢冇發生過，而我只好接受現實。

或許我真的要嘗試以多角度去看每一件事，

今天要番學學呀，放得咁少，真係好傷心呀，嗚......

以前放好多存嘛，真係呀，太可惡喇!哼!

今日返9:00mk，返到去先8:30，早左好多tim，仲第一個返到去!!

上左4小時既堂，就去左食lunch，之後就到始創10樓玩電腦喇，

玩到差唔多時候，就回校繼續上課了!

放學，同SY一齊回家家去。

回到家，MUMMY佢地走左去拜年，剩下我WO，嗚..........

今日miss左呀哥的電話，

佢嬲左我呀，嗚.........

哥，唔好唔理我喇!!!

對唔住!

新年的幾日，去了旅行，順度去一去散心，

3時多就要起身，就要出發lu，個時我超眼訓呀

離開香港，可能對我既心情會好d喇，

不過係轉旅遊巴去參觀景點時，因為坐位的問題，我同2位女人發生口角之爭，

若不是比面軍仔，我真係罵到佢地狗血淋頭，

個時咁岩屋企人都唔係度，睇唔佢地既惡行，事後同mumdad講番，佢地對覺得仍地好衰格，

不過我肯定呢件事不是我既問題，而是個2個女人既問題，

因為之後一日，佢又同另一個家庭又係坐位上爭吵喇，

佢地真係好乞人憎，d坐位明明已經定好晒，又要係度搶人d位，

人地一家人梗係一齊坐，唔係話你想坐邊就住邊架喇!!

不過，之後都當佢地唔存在，免得破壞我既心情，

呢幾日去了好多地方，參觀左好多野，

有一日係溫泉酒店到住，成晚都係到浸溫泉，好舒服，而且個房好大，又有個又靚又超大既露台，

更甚的仲有個浴室，可以拉開個簾欣賞別人洗澡，焗緊蒸氣時仲可以一路電視tim，哈哈!!

不過呢幾日就成日都要行山，因為要行到山上睇靚靚既風景，

日日都好似一定有山行，真係累死我喇。

搭纜車，坐遊艇四周參觀，沿途既景色都好美麗，涼風吹過，真係好舒服!!

仲有去睇show，呀B上左台玩，個刻佢做D野笑到我地死，

我MUMMY仲笑得流眼淚，哈哈，你一世英明就咁冇晒喇，哈哈!

呢幾日過得真係幾開心，而且識到幾位好友，呀傑，呀B，軍仔，領隊汶汶等等，

有佢地幾日成日陪住我，真係玩得好開心，可以一放我不開心的心情，

可惜的是開心既日子過得特別快，咁快就要講byebye，

不過好在已經交換了聯絡方法，日後都可以搵佢地一齊去玩!

返到香港，就各行各路，但想不到我地仲可以成日撞到，真係幾有緣，哈哈!!

    可愛的呀傑哥哥同呀B弟弟

    兵乓港隊小子，係勁野喎!

        <---    成日自稱為"軍仔"既軍哥哥!

    大大既椰菜仔，好得意!!

        坐上呢架遊艇，四周去睇景色喇!

見到安安，梗係第一時間飛過去影相，哈哈!安安WO!

er....呀ｂ幾時攝左我鏡呀,,,

今次旅程影左幾百張相相，好多的回憶!!HA!好好咁珍惜呀!

ps:d相壓縮左來睇，真係一d都唔靚!!

今年冇左年三十，所以今日就係今年LAST既一日喇!

朝早晨早起左身，超眼訓呀!!

之後就搭車出大圍喇，去到先8:00多，幾早呀，haha!!!!

之後就去左做我自己既正經野喇，

6:00多終於可以回家了，好累呀，

返到家，食完飯飯就出去行花市喇，

今年早了回家(但已經唔早喇，haha)，因為聽日要起程，要早早起身，

不過其實回到去都係得二個小時訓jar。

零時多時，仲同大佬傾左好多計，

好似好耐冇搵過佢喇，又好耐冇見wo，

真係好掛住佢呀!!!......

年廿八，當然係是留係屋企大掃除喇!!

成天都係家都抹抹抹，好累呀!!!!

不過整完之後成屋都靚靚呀~~HAHA!!    

成晚都訓得唔好，是什麼事情令我咁煩憂....

出門時，收到p同學的電話，之後傾左唔夠幾句就走左去圖書車車借書了，

叫人幫我拎番家就趕返學校了。

今天只需上2小時課，上完之後就同同學仔一齊去維園行花市喇

行左3個鐘度，初時我地行得好亂，後尾我地一邊一邊咁行，終於行晒喇，仲買左D野野，

不過ken佢成日都只係掛住買野食，食左超多野呀!!!哈哈!!

行到5:00，安安好準時咁走左，之後送埋ken搭車，就同p同學兩個一齊行街街，

我地毫無目的咁係咁行，行左好耐之後就去左許留山食野，

本想係cwb搭車走，點知我地又好似又好多野未講完，

就由cwb行到去北角，足足行左成45mins，途中呀Ｐ同學仲帶人行錯路，嗚．．．爭Ｄ比人賣豬仔！！哈哈！！

後，回家去!!!

發現每次佢有事既時候，我都好似唔係度，幫佢唔度，為何每次都咁岩架!!!唉............

今天因為有要事，上了一陣堂就走喇，

去醫院覆診，本身得自己一人，後尾媽咪來了陪我一齊。thank!

去了好耐好耐好耐，看了好久好久.....

身邊已有多人離去，不想再次發生類似的事情.....

唉.............