尋晚終於可以番自己個位訓喇~而且可能成個星期太辛苦，尋晚夜返同夜訓

，今日訓到成好晏~成10:45(可能因為平時早起身喇)~~SO覺得好晏呀~

又唔知邊個熄左我冷氣又唔同我開風扇，但我都可以繼續訓落去~熱死~

之後今日成日都冇出過街~~又冇咩溫書~~~唉唉~~

成日係度睇雜誌~ICQ~咁~~

之後記得今日好似係太平清礁~長洲D師兄弟出唔到黎TIM~

好想返JUDO~其實師父對我好好~就好似我DADDY一樣咁，好照顧我~

雖然返係好辛苦~而且當失敗左又會有好大挫敗感~!

不過同佢地一齊係好開心~成班成日一齊玩~

BBQ~去沙灘玩~一齊練習，一齊比賽~一齊係道場奮鬥~!!!

當中大家都經歷過好多野~開心...唔開心~全都係我珍貴既回憶~

而且更可以忘掉一切學校唔開心既事~~

而且係有共同既興趣----"柔道"

所以大家要一齊努力!!~                  

加油!!                                                 

因應popo要求~~整大左少少d相!!

依家係6:22am~~訓左幾多個鍾呢!!???等陣我要努力喇~

唔~又繼續我既日記喇~

今日地理都幾OK呀~~只少我識做呀~平時地理岩岩好JAR~我GEOG最唔掂架嘛~

之後考完同YING去大中個邊喇~後尾又返太和同豆豆，美恩佢地食飯喇~再會一會bill~拎番d野喇~

之後過apm，(原來佢都去左apm)，後返家喇~~今日真係好鬼熱，返到屋企呀~~成身大汗~今日仲沖左幾次涼!!

之後尋晚又冇咩訓~ 訓左45MIN，又要準備出去喇~

今日同師父開生日會~!出旺角韓燒~!

師父一見人就..............哈哈!!!~

坐左幾枱，好似比我地包晒咁~不過太多人好迫呀!!

好耐冇返~~好掛住佢地呀!!!~殺人KING番黎喇~哈哈!!!

之後呀~~7點幾燒到10點幾喇~

因為好多人，我地又要讓枱........食埋蛋糕又唱生日歌~

好有氣氛~最好笑係輝師兄的歌喉~~"夕陽無限好"呀!~

仲有個BANNER!!!正呀!!

之後散水!我地十幾個就去左行街~~~

有我喇，男人，怡，小玲，呀安，呀言，呀源，達ming，同地其他場既師兄弟!!

團長呀源成日走~都唔好好帶隊既~!但原來係去左買...."x煙通"，唔怪得自己一個人去買喇~!

後尾又去影貼紙相~~因為太多人~又迫又熱~~真係.......

我地又成日周圍郁~~成班差D"臨"晒!!!第一次影到我出晒汗~迫到出汁~!

之後呀~~行多陣~!好似好夜先返屋企LOR!!

P.S.收到本書~感謝聰哥哥，仲幫我包得咁好!!THX晒!!~

今日唔洗考~!~所以晏左d 起身~!!

之後溫呀溫喇~!!~

之後，家姐仔打黎~~叫我去幫佢拎行李~

唔講唔記得~原來佢去左旅行成個禮拜~~

今日番黎~~哈哈~~又有大把手信lor!!!

之後呀~!收到SMS，聽晚食飯~~好好~

都好耐冇見佢地~唔知佢地仲記唔記得我喇~~哈哈!!~

之後楊生打黎，同佢傾左陣喇~佢呀~~成日都唔記得寫D資料~~如果扣分就死喇~

又講左好多野~其實同佢傾電話都幾開心~最少我地好多野傾~~冇dead air，而且好舒服@@

依家打埋日記又繼續努力喇~~加油~加油!!

p.s.好耐冇見佢囉~明明知佢係度~~我又唔會搵佢~又驚阻住佢~咁就費時喇!!

整體性格
King小姐，體貼關懷；氣質優雅；開朗隨和；行事委婉圓融；努力工作盡情玩樂。

http://tw.starq.com/newstar2/okstarq.php

你地又覺得岩唔岩呢~~~你地都試下喇!~

今日考Econ ，由於尋日夜訓，今日唔係好知醒，呆呆地....唔記得帶電話

之後今日去m記途中，見到龔sir~~~(好似都好耐冇見過d呀sir，miss喇)

到左m記，又早到，等左好耐...諗下諗下....又驚約錯地方~好彩冇!!!

今日隻腳好鬼疼~~又要行咁完~真係死得人喇........

之後econ ，發現呢間學校禮堂有個大佛像，自己唔多習慣!@!

而且d老師好似個個都係d老人家，個個d頭髮白晒!

d主科我前面都係同一個人，諗住睇下今日又係咪喇~~

點知今日我前面係冇人黎!!我發現次次都坐last個行，而且今日我個行得個8個人!~

paper 1 d 時間過得幾快~唔夠時間做~~

paper 2 做完仲有成30 min!!!

之後行過新達，行左一陣喇~

之後同佢地分開lu~諗住去圖書館，點知.點知原來冇開呀!!!唉唉唉~!@@@

因為冇帶電話，又想搵mummy 一齊食lunch~周圍睇下邊度有電話喇~搵極都冇woo@@@慘!!!

搵到，mummy又唔聽~~可惡!!~之後呀.....唔食喇~lunch食左個飽jar!!

之後搭巴士~~要過3條馬路先有巴士站~點知我係第3條時，睇住架巴士走左.......嗚~~~

搭完轉多次車~行到咁鬼遠搭~又係...架車又走左~等左成15min~點知黎架唔係冷氣巴~

後尾~~比我見到架流通書車，入去借左幾本書書~~

今日好似好黑仔咁~

冇帶電話，搵人極難~@@次次睇住d車走~@@又腳疼~@@去圖書館又冇開~@@

唉唉唉~~我要唉夠3大下

今日唔洗考，所以留係屋企溫書~!!

不過，成日都好眼訓呀..........唉..........

夜既突然又肚疼，我知肯定係罐"咖啡"有問題，

之後疼完我又繼續再飲，點知死得喇~~

疼到我........... 我個腸胃真係太唔掂喇.....

夜晚，因為開夜車既關係，走左去我間私人書房，費時噪住人喇.....~

之後捱唔著喇~訓左4粒鍾!!

今日考中文~因為早左好多出門，係度呆等YING~~

見到好多同學仔~皇帝，校長仔，洗，見到洗個樣好殘，又踢拖咁...

後尾YING到了，好彩行得快~~之後落幾大雨呀~

PAPER 1 作文我既強項~!!作到我都有D感觸~~!哈哈~~

之後見個人舉手，個MISS以為佢要加紙~拎紙比佢，點知佢原來跌左支塗改液係腳邊!!~

心想:唔係嘛~~係腳邊姐....自己拎番都得喇~~

PAPER 2 弱項~~唔係好夠時間做~~又諗得耐~

之後考完~又見皇帝，一日撞佢咁多次~

同YING一齊去郵局~~再過大中個邊~又見芬芬~~停低傾左幾句~~

後LUNCH~~之後就回家喇~~

不過不過...番到去打比PO，一聽原來佢係度.... ~~

心情都唔知點~~好驚呢D野~~不過不過.......

開心既係佢會同我講~~...唔開心既係唔想見到佢唔開心~

夜既突然跳掣~~仲以後邊個熄我燈~

不過諗真下屋企又好似真係未跳過掣WOO~!

明明鍾意一個人，點解要輕易放棄呢!!!

講得好~!!

唔~.....之前打左一篇~但冇SAVE....SO....

今日MATHS~PAPER 1 麻麻喇~PAPER 2 都OK LA~

今日落幾大雨呀~個間學校開冷氣又唔"山"錯~

hall個度仲有d板封住咁,比d風吹起，d窗又噪到死~

我仲見last 個行唔知點解佢地放筒水係d板度~

結果成筒水比d風吹倒，由高處灑落黎~成地濕晒!!

好彩冇事姐...又有大把d 類似垃圾既東西周圍飛~

整到我都周圍望~影響左我tim! 唉唉!!!

臨尾近窗果ｄ份試卷濕左 ，佢地話會寫信比考評局∼ 呢份仲係mc 黎架~!!

而且今日又有人電話響!!唔知點解今日個場好似唔好吉利wo!!

走個時仲死~嘩.....大雨到...有遮到死....行到成身濕晒~

ps:po有事tim~~希望佢快d 冇事喇~~!!!

快d開心番~king2 支持你~~

生日快樂~大佬~

Happy Birthday to you

Happy Birthday to you

Happy Birthday to 大佬

Happy Birthday to you

大佬大日子呀∼

我唱的生日歌好聽嗎??哈哈哈哈~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Mother"s DAY~~

多謝我的母親~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

夜晚傻傻地去探路~行個D停車場路，逃生門~

兩個女仔夜晚晚咁樣呀~~

幾危險呀!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日要番學校補數!~本身諗住又遠又冇人陪又LAST 1 堂~唔返~

不過為左佢.....決定番喇!!!

不過番到去...杜SIR係度~不過好彩佢都比入~聽聞有D人唔比入TIM!!

完左.........

呆呆地等~~呆呆地等~~唉~

之後電話很繁忙~不斷同人傾~~

大佬後尾話打唔到黎~~唔岩time喇~又唔留言wor~

之後等到1:30~~又幾準時wo~

見到男人，好耐冇見喇~咁就遲d約左一齊食飯喇!

之後諗住番家lu..搭火車~....

送左喇~哈哈~~不過又係咁..."溫書喇，溫書喇"

又即刻彈埋一邊....後尾又行番過黎~都唔知佢諗乜~

之後去到SHATIN，又比MUM叫去買野~整到我係度門"山"個刻彈左出去~

之後買喇~又話唔岩~唉~~後又過APM，有人係度表演，佢間百老匯又未開~

之後終於可以番屋企喇~!~好累好累呀~~

不過，唔知點解送左之後，自己好開心and enjoy wor!!~~