早前本人既身體既某一部分出現左D問題
9月5號星期六,起身既事我把聲發生左一D狀況
當我每講兩個字就平均走一次音
講真,真係好痛苦嫁...
但係奇怪既係,我又冇喉嚨痛喎..
阿媽話可能係講得野多或者係有感冒菌入喉
於是我阿媽叫我盡量唔好講咁多野
好死唔死我個fd打電話俾我,同我講野,身為雙子座(Gemini)既我
本來就係多野講(對住D fd),咁我就好想同佢討論下啦..
於是講講下我就發表一下我既意見啦(簡稱吹水)
但係我講野既過程好辛苦,因為我把聲有時講講下走音不突至,重要有D音係發唔到出黎既..
但係我又有好多既感受想講出黎噃..
於是我就同我個fd講:我講野好辛苦呀..
之後佢就講笑咁話:我知,因為我聽你講野都好辛苦呀(走音既關係)
我心裏面諗:我知,因為我聽我自己把聲都好痛苦(聽唔慣)
星期日既時候我把聲都係咁,唔見得佢好..
我就諗:死啦,星期一返學都唔知點算好嫁..點知星期一老師要我地分享一下童年趣事..
我返到學校就一直有種不祥既預感,我D同學同我講,老師都係抽人啫,應該唔會抽中你既...
點知,老師第一個抽到既就係我..
我o嘴...我用我把走音既聲人去講我既童年趣事,因為把聲唔掂,所以我壓到把聲好低..
講完之後,個老師重話:同學你把聲咁磁性既....
我笑住咁話,感冒...
由奇係當我聽到一D我好鍾意聽既歌既時候,我就重難受...
好彩我把聲慢慢咁好返啦..
聽返自己把靚聲,心身舒暢左好多,最起碼唔會覺得「礙耳」
但係把聲慢慢好返,就開始咳啦...
唉..不過總好過把聲走先啦...呵呵
喺度..祝大家身體健康,身體是重要的...呵呵
|
