近期7-11 大熱嘅麥嘜唔知大家抽唔抽到心頭好呢？
朱迪抽唔到想要嘅麥嘜 & 麥兜，唯有將抽到嘅轉送朋友。
MADE IN HK 嘅幽默可愛麥嘜大家都熟悉，唔知大家有無聽過同樣MADE IN HK 嘅Q嘜呢?
對於Q嘜，朱迪初初淨係識午餐肉同埋豆鼓鯉魚JA~~ HAHAHA
（我認我為食& 無知... 嘻嘻嘻嘻~）
6月尾，今年第一個8號風掛起前，朱迪唻到鑽石山荷李活廣場出席左由香港優質標誌局舉辦嘅「2012 Q嘜准用證頒發典禮」&「2012 Q嘜優質生活嘉年華」
先知道，Q嘜除左代表午餐肉同埋豆鼓鯉魚之外，原來仲係一個品質標準！！！令企業透過”信心”認證去加強產品＆服務嘅形象，吸引更多客戶。
今年Q嘜活動更係首次以嘉年華形成係29/6 - 1/7 一連三日係鑽石山荷李活廣場舉行，令更多市民可以參與其中。
當日活動上更邀請了香港工業總會主席 鍾志平博士 擔任主禮嘉賓並致辭(左)
其他嘉賓包括 : 香港優質標誌局主席 丁煒章先生 致辭(中) &香港檢測和認證局主席 程伯中教授 致辭(右) 及 創新科技署副署長 黃宗殷先生 。
而頒發典禮上，大會頒發了准用證予Q嘜計劃公司
& 紀念品予贊助機構 及 支持機構
而擔任「Q嘜優質生活大使」嘅鍾舒漫同埋許廷鏗亦出席活動獻唱
之後並以「Q嘜優質生活大使」嘅身份同一眾主禮嘉賓舉行「2012 Q嘜優質生活嘉年華」開幕儀式。
第2次現場聽許廷鏗唱live，唱功ok~ 不過佢嘅fans 真係好誇呀!!!!!
一次比一次誇!!! 只能夠講 : 年輕孩子真有活力~ 我呢d老人家唔明佢地~
而頒發典禮後，是次活動嘅美女公關更帶我地參觀呢，率先試玩遊戲同埋參觀嘉年華~
嘉年華入面當然唔少得獲Q嘜認證嘅一眾知名熟悉品牌啦~
包括金至尊珠寶、雅芳婷、富臨集團、洋紫荊維港遊、油麻地旅遊、中華煤氣、遠航九江、建樂士、萬福珠寶及香港永明金融~
而原來，朱迪一路以為Q嘜得一款。但而家已經develop到3個基制呢~
分別有:
紅Q嘜 : 香港Q嘜優質產品計劃
金Q嘜 : 香港Q嘜優質服務計劃
綠Q嘜 :香港Q嘜環保管理計劃
紅金綠Q嘜分別協助企業提升產品、服務同埋環保方面嘅質量標準。
想知道更多，可以去website 度睇下喲~
而行完銷售攤位後，梗係唔少得去遊戲攤位度玩下啦~
2個遊戲攤位睇落易玩但要贏禮物都有少少難度喲~
「Q嘜樂繽Fun」 (同掉彩虹玩法差唔多)． 要中禮物需要眼界同埋 運氣啦~~ haha
Q嘜智骰揀杷對反而易中獎喲~~ 呵呵
大會更備有精美小食及飲品呢，活動後我地一眾bloggers邊吹水邊醫肚喲~
今次香港優質標誌局特意將「2012 Q嘜准用證頒發典禮」移師至大型商場 & 首次以嘉年華形式舉行，目的係希望以輕鬆手法令更多人認識Q嘜之餘，亦希望透過公開活動增加透明度、提供一個既安心購買優質產品 & 服務既平台。亦希望能夠推動業界提升產品品質及服務質素。
如果想可到以下網址瀏覽更多有關Q嘜 & 申請資料喲~~
如果今年miss 左嘉年華呢?
唔緊要，登入佢地嘅 facebook 收最update 嘅風啦~
明年再見啦！！！
活動後我地一眾blogger 亦同左許廷鏗合照呢~
~~~~~~~~~~~~~~~~~~~~~~~~~~~~~
★朱迪☆
facebook.com/judytseZ
~~~~~~~~~~~~~~~~~~~~~~~~~~~~~
|
