剛過去嘅美食博覽，唔知大家有無收獲呢?
多得大隻男友出力支持，朱迪一共係美食展掃左$800野!!
其中有4成係重到傻嘅咖啡.....
其餘都係買俾屋企嘅冬菇、調味料、麵食等等...
而當日朱迪除左落力掃貨外，亦落力為一班可愛嘅小朋友打氣。
今年，Q嘜係美食博覽舉行左首屆「Q嘜親子廚神大賽」決賽！朱迪當然要支持一下可愛嘅小朋友。
「Q嘜親子廚神大賽」由父母與4歲至8歲嘅小朋友組隊參加，決賽以親子合拍程度及食品賣相作評分準則。不過眼見決賽嘅家長全部都係媽媽~ 爸爸負責(係台下)影相~~ XDDD
是次比賽，大會亦請來美女廚神Kit Mak (麥潔兒) 擔任「Q嘜烹飪大使」，替大家打氣之餘，亦一同見證首屆「Q嘜親子廚神」嘅誕生。
當日每一個家庭都全力以赴，亦合拍非常。
媽媽負責拎刀、剪刀切野，小朋友就專心做小幫工，負責裝飾，同埋偷食~~ XDDD
美食當前嘛!
而香港優質標誌局主席 丁煒章先生 見到家長同小朋友嘅表現時亦表示，比賽勝負乃其次，最重要係享受比賽嘅過程，見到父母和小朋友合力製作便當感覺很溫馨。而且見到大家都用心製作，更令佢覺得Q嘜又再接近群眾多D！
而「Q嘜烹飪大使」Kit Mak更稱讚參賽嘅小朋友都好有烹飪天份，而且亦很幫得手。
佢見到咁多活潑嘅小朋友都肯專心陪媽媽煮野食，而且各親子隊伍都十分俾心機完成作品，令佢覺得很窩心。
而參賽媽媽亦表示比賽可增加親子互動性，而且又可獲得豐富獎品，絕對係一舉數得，非常期待下一次嘅Q嘜活動。
參賽小朋友亦非常開心呢~
我地一眾朋友亦話睇住佢地煮野食，比賽結束後要去掃貨添，番去同媽媽或男友互動下！
經過一輪溫馨可愛但又激烈嘅龍爭虎鬥後，終於有結果啦~
最後由Mandy媽媽同及Wing Wing嬴得「Q嘜親子廚神」冠軍!!!
恭喜恭喜!!!!
獎品非常豐富喲!!! 有建樂士VIENTI高級不銹鋼廚具套裝、丹桂軒國內高級食府餐飲消費咭及「Q嘜親子廚神」獎杯。
而「最佳賣相獎」由Christy 媽媽同Jasmine奪得!!
「我最喜愛的Q嘜親子廚神」則由 Ann 媽媽及Cyrus 奪得!!!!
朱迪亦最喜愛佢地嘅作品呀~因為我鍾意鬆弛熊~~^^
恭喜咁多位喲!!!!
而 「Q嘜烹飪大使」Kit Mak 亦有豐富HAMPER喲~
「Q嘜親子廚神大賽」順利結束，下年再見喲！
比賽完結後，朱迪亦開始左血拚行動。
見到有Q嘜既BOOTH 梗係要去八下。
一八之下先發現，原來Q嘜嘅產品真係無處不在。
近乎係廚房入面見到嘅用具、食物，都係Q嘜既！！
大受歡迎嘅應節月餅當然亦有不少！
中秋臨近喲，快D認住Q嘜既品牌，入定貨啦~~ ^^
下年美食博覽再血拚喲!!!
~~~~~~~~~~~~~~~~~~~~~~~~~~~~~
★朱迪☆
facebook.com/judytseZ
~~~~~~~~~~~~~~~~~~~~~~~~~~~~~
|
