2007 年 5 月 21 日  星期一  

終於煲完lu~~~~

之後6點睇<情迷黑森林>

之後落左街還書,剪頭發

去到剪髮舖好少人...

但都要等.....

洗頭果個人係新仔....佢好大力咁鏈我個頭...

佢問我大唔大力...我唔知點解..竟然擰頭....

但我覺得自己個頭就黎俾佢鏈爆.....

佢幫我按摩...但我覺得佢似想搾爆我個頭多d....

佢每次幫我沖頭...d水就一次熱過一次....

隻耳仔就好似水浸咁......入哂水....

洗完頭又冇人理我...

幫我剪頭髮果個..技術上ok....

but..佢同我吹頭吹到一半...

同剪頭髮到一半....

點解佢可以去左傾計.....

又幫佢d員工整頭.....我是顧客來的.....

剪完又搵個新人來同我吹頭....

係咁扯我d頭髮....個頭有d就黎甩ge感覺....

仲feel到..佢扯甩左我d頭髮....

個風筒好熱...但係佢問我..我唔知點解竟然擰頭....

有d後悔...後來佢覺得好熱就較返凍d喇~~

吹吹下...變左2個人吹一個頭...果個頭係我既...

一個搾起我d頭髮...另一個吹我d頭髮....

之後變左3個人吹一個頭..個頭依然係我既....

即時覺得自己有d似白老鼠....

之後個新仔扯左我個頭一野...

我既本能係...叫左一聲"哎呀"....

之後剪髮個人同我吹返...

攪掂哂..我都出左一身汗喇...."

之後俾錢走人.....