終於開始放假na~~  等呢日等左好耐

上到高一之後, 冇幾日係訓到好教

由琴晚訓都今朝都訓左我11個鐘, 而家可以話精神飽滿~

不過個天唔賞臉, 落左場大雨...

眾諗住今日去買3 tim...

算na, 留係屋企做宅男算- -"

琴日班總結國產係度講兩段黎班ge整體情況

之後就宣布前十名同d進分ge同學

前十名有20蚊攞呀, 好彩有我份~

之後係度佈置寒假作業

又要作文... 我眾寧願做數算, Roal又要整個DV wo...

好克人憎lo, 比人有個開心d ge假期都唔得...

呼~ 今日終於考完試

今段真係衰到冇得再衰, 下段真係要努力呀

不過次次咁樣講, 結果都係... 唉

今段同人打賭輸硬NA~  點算好, 又要比人串  >  "  <

算NA, 都冇解... 鬼叫我自己唔努力

講下呢六日考試GE情況先~

語文就慢慢NA, 都有7字頭GE~ (唔合格唔洗做中國人LU)

三角唔合格就算唔撞牆死都比人笑死NA...

英文, 唔好提... 有史以黎最差GE一次, 不過都合格

物理同地理就兩科都兼顧晒, 起碼都有合格

最辛苦就係歷史同化學, 前一晚全攻歷史, 化學溫得個一個鐘, 不過化學冇衰, 歷史反而衰...= ="

最尾一科GE代數係我GE強項, 合格緊係唔洗講, 不過最尾幾題個腦死左機, 臨尾一, 兩分鐘先諗到, 鬼夠時間寫!!

而家超驚歷史LO, 下星期快D公佈成績NA~

琴日去左中央溫語文

都溫得好快, 大約三個鐘, 好彩有打溫習紙~

之後陪個好友去睇袋...

買完, 去左潮館食野

唔知我係咪溫習溫傻左, 食面食勁辣湯底

個好友都o左嘴, 問我係咪癲鬼左

之後發生ge事... 我發現人做野要就下自己ge能力, 唔可以勉強...

之後返到屋企食完飯又繼續溫, 順便打埋英文翻譯同課文(唔想翻書)

之後差唔多12點就去訓

今日就係戰火之中起左身

真係好憎冬天ar, 次次起身都要賴下床先得- -"

之後返到學校根本就係度吹水, 冇咩點溫

打左鐘, 上樓上, 派卷, 考試

發現... 超少野考, 都ok易, 作文就佔最多分...= =

作文作到死下死下, 根本就是在唬爛...

作到最尾一行, 諗唔到寫咩, 閃人!!

之後去肥麟屋企溫三角, 一個勁人同一條廢柴(我)都溫好快溫晒

之後而家返到屋企係度打blog, 等陣眾要返工

返完工眾要同班d人溫三角, 今日又要有排先返到屋企...

Just do it, I will success!!