一一細數！

突然回想？

近排一直都諗返起、已前既事！

同已前某個一齊既時候的確好開心！

雖然一個星期見得一日、但每日我返工同返學無論幾累都好！

我都會打比佢、有時累到企係巴士到都訓得著！

唔知點解、聽到佢講D佢返學發生既開心野、自己都會好開心！

結果發現返工又返學無時間陪佢、連學都退埋？哈

果時覺得想多D時間陪佢、努力D搵錢、儲錢結婚、想比一個好既生活佢！

想佢咩都唔洗做、讀完書就結婚！

但結果因為自己既脾氣同小朋友思想就導致分手！

以前我好鐘意玩、好鐘意同人傾計！

但自從無左佢之後、就完全改變左！

好多野都收埋係個心到！

分左手都8個幾月、到左呢家我重會掛住佢！

但搵返又可以做D咩?我對佢傷害已經好深！

已經唔想同人溝通、可能呢件事真係影響得我好深！

到左今日、我選擇用工作麻醉自己！

但每次得自己一個既時候都會諗起佢！

我唔敢再去鐘意任何一個人、怕比人傷害亦怕傷害人！

我怕我自己無辦法抽身愛下個、亦怕別人不是真心愛我！

時間能沖淡一切、但又有多少事真的能被時間沖淡?