我學校今日Christmas Party,我係個hall度差D訓着,因為個Christmas Concert實在係太無聊喇...不過個Party超好玩,勁正,超鐘意!XD我今日仲爆lucky兼幸福,皆因我今日收林育靖張「覆咭」呀!雖然我個個blog都有打呢單野,但我真係忍唔到手要打埋上呢個blog,請諸位原諒我嘅煩!對於大家嘅包容,小妹萬分感激~

喺呢度,我要多謝B娜同埋Shirley,因為冇佢地嘅話,我跟本冇可能得到林育靖張咭.Shirley,多謝你願意攞你寶貴嘅時間嚟陪我買聖誕咭,also好多謝你俾我嘅意見;另外,B娜,我從今以後一定會愛死你,因為你幫我俾張咭林育靖,仲幫我叫林育靖回覆俾我,萬分感謝呀~Orz~另另外,我仲要多謝林育靖,多謝佢肯寫張咁長嘅回覆俾我,D字仲要靚爆鏡(講真).以上咁多位仁兄,多謝哂~(攪到好似TVB個萬千X輝頒獎禮咁,唔好意思...///_///)

今日好好好好好HAPPY(終於都到日記嘅部分),因為我地終於逼到Monday同林育靖影相喇!(雖然我俾Monday扯到手都痛埋...)佢地兩個都超爆笑囉~一個俾班同學攞嚟賺$$,一個就明明好想影就死都唔肯影,仲好似想kill左我咁勁大力扯我隻手...等我話俾大家知林育靖班同學幫佢開嘅價啦~同佢影一張相(唔包相機)就$10,佢嘅一張親筆簽名相就盛惠$15,但係我地影完之後走左數,嘻嘻!!今日林育靖變左人肉佈景版,係咁同人影相,但係大家都走數,好好玩.

P.S.E. Chan個美心黑森林超正,nice~Nat Lam劈筷子,超型~勁!!XD(不過我同小靖靖講嗰陣,佢話劈筷子係一件好簡單嘅事,仲話Nat Lam好無聊XP)

今日我St.John,喺課室上堂嗰陣好似聽到林育靖把聲...係我嘅錯覺定係佢真係番左學校呢???我好想知...不過,後來聽到大家讚4B嘅invitation card就覺得好開心...嘻嘻!!!大家係咪覺得我好傻?明知張card一定唔係林育靖做嘅都咁開心...不過冇辦法,我本來就係傻ga啦!只要同4B有關嘅野我都會好着緊ga...哈哈哈!!!XDD

今日超happy呀!!!我同林育靖相遇左at least 5次呀!!!(我覺得我好似有啲傻...XD)有4次佢好似係望住我ga!!!哈哈哈!!!XP但係我攞左3次囉!!!T_T

話說:

A同學(我)&B同學(MxxxY)一齊放午息,當A同學好興奮咁示範緊C君(我小學同學)點樣唱走音版嘅珠光寶氣嗰陣,M君(林X靖)突然之間係A同學右邊出現囉!!!佢仲送左份「大禮」俾A同學添!!!(大禮=冷淡+無奈+好奇眼神)ToTA同學就係咁攞左1次...後來,佢完全消失左係cover,A同學再唱多次俾B同學聽,點知一唱完走音位佢(M君)就係A同學左邊出左嚟,隻手肘仲撞到A同學手臂添!!!攪到A同學係攞第2次嘅時候唔知應該幸福定係羞家...第3次攞爆事件仲死,A同學同B同學行到聖誕樹執邊,拉据緊行唔行埋去唱多次俾M君聽嘅時候,幾位同學竟然彈左出嚟,仲話佢地(A同學同B同學)喺度望「男仔」!奇就奇左M君好似有順風耳咁,擰左過嚟兼送多份「大禮」俾A同學,攪到A同學再攞多次...唉...慘...ToT

雖然攞左3次,不過見到佢5次,仲唔係有賺?!嘻嘻!XDD