本來又約咗今朝要打波，點知7點幾起身果陣發覺地下好濕，於是又唔駛打啦...繼續瞓覺...

瞓到9點幾起身，落樓下食野，之後上番黎睇奧運...

睇完游水就到奧運男團決賽，上次中國響呢個項目輸咗，今次終於嬴番...計埋d舉重之類嘅金牌，中國有13面金牌啦...

下晝出咗去打波，熱到kai呀...老明唔知帶左個咩狗屎垃圾人黎打，條友超煩，我超想一拳打爆佢個頭，雖然我現實中冇咁做，但係響我心入面我已經做咗啦...XD...

番到屋企啱啱好睇唔到中國vs西班牙嘅奧運男籃...不過中國又係輸咗，又係實力問題...

夜晚就睇美國vs安哥拉嘅奧運男籃，又係大炒...