重陽節放假一日...

今朝又係去打波，今日天氣真係正，23度又有風冇太陽，唔錯...今日比較值得寫嘅就係今日「浪」低咗人地幾次，2次布輝1次vincent，其實真係唔係有心...之後莫又黎咗，都唔知佢黎做咩，朱都話冇約佢，點知佢又出現...打到10點幾某d人走咗，之後同莫打天布，大炒也...最後1on1莫，本來諗住射波射死佢，但係唔多夠效率，最後都係鏟籃算，嬴6:4...我咁嘅身高對住佢都算係咁架啦...

番到屋企都11點半啦...

沖完涼食完野，hea咗陣又要溫下bio，pre-study完就做simon果d exerise，有1題同之前學校果個test嘅題目100%一樣，唔知邊個抄邊個呢?做到最尾果幾題難到嘔...

夜晚出咗去荃灣小肥羊打邊爐，每人108任食2個鐘...一開始都幾好食架，之後就每況愈下，因為個湯底mainly係藥材...愈煲愈臭...頂...住咗架GM7971，架車好廢...吐公踩到74，但係一上城隧就收哂...得番40...鎖2波係冇用...><"