今日遲咗d起身，咁都好嘅，唔係日日7點幾起身都咪話唔死!!食完早餐，番到屋企睇咗陣報紙，之後諗下今日做咩好!!18號約咗吳

希彤踩單車，諗起自己幾乎成年都冇踩過單車，咁今日就去踩單車。由於好耐無踩嘅關係，所以要搞一搞部車先，12點鐘就出發，

首先踩到去火車站，兜個圈。然後再走咗轉海濱公園，感覺良好，出番黎睇下隻錶，原來都只係一點鐘到，唔通咁快又番企??跟住

就踩咗一轉沙田，係元州仔個度買咗支水就可以上路...今日吐露港都唔算太多人，冇假日個種人山人海，又加上今日天氣十分之咁

好，冇太陽，又大風，幾咁正!!踩到去馬場都係大約45分鐘，係中途見到有人炒車，搞到頭都爆埋!!一個d血係額頭度標出黎，手

又損哂，另一個就太陽穴血流如注，佢唔知點解走去棵樹側邊訓低，個時勁多人係度睇，好似睇戲咁!!!之後有d 急救隊黎收屍，咁

我就走咗!!過咗馬場見到d小食攤位，我又覺得幾肚餓，食咗d燒賣...好食呀!!!!!最後踩到去沙田街市...我想知我點解會去咗個

度...xd!!休息咗一陣就番歸lu...踩咗好耐，因為逆風，所以超難踩...番到吐露港見到有臭豆腐食，嘩!!好耐冇食過臭豆腐啦，咁我

就買咗舊黎食!!好好味呀!!之後又踩多兩轉海濱，踩到我就黎死啦!!番屋企中途，響學校門口出面撞到fefe喎，佢又踩住架單車喎，

好似響到等人咁，我就同佢傾咗幾句，跟住番咗屋企...