琴晚去到一點幾先訓...@@""因為我睇緊波(蘇格蘭聯賽盃決賽，赫斯對嘉得拿(唔知咩隊....))，但係我愈睇愈眼訓，上半場入波嘅時候曾經刺激到我嘅精神，但係下半場一開波就訓着咗，阿媽話佢三點幾閂電視.....

今日教會有墾親日，同佈道會一樣，都係特別多人黎嘅。10點半返到去，咁啱響學校門口見到朱，今日有茶點招待各位家長，有蓋操場真係爆爆爆多人(可能有d人係扮蟹嘅...)，之後charchau都返到黎。我地響樓梯前面傾計...見到一d十年難得一見嘅罕見場面。首先，我地見到周康婷同佢阿媽，周康婷着嘅衫令人覺得好有事業女性feel，佢條褲同佢阿媽果條幾乎一模一樣...then，我地見到姚寶「胎」，嘩!!!(以下內容只淮18歲以上人仕觀看)，佢個頭真係冇得頂呀!!!!!!跟住，見到李詠虹，charchau話佢好似一個阿姑......好!!講住咁多先。之後我地上去禮堂，林sir(李志偉)領詩，仲要教我地做動作喎，吾不卻觀之矣><"""~~~!!!!!!跟住有幾個人上去分享佢地嘅見證，大約都係講點樣帶領家人信主...然後，有一班好細個嘅小朋友上台唱歌同埋做話劇，有d都幾可愛...最正都係扮耶穌釘十字架果度，真係好鬼「真」呀!!!!!最後，玩傳波遊戲，屈咗三家人上台玩「認仔認女遊戲」，真係好玩!!!完咗之後，我上咗開lock，拎番本tsa番屋企做compo，又拎咗本中文書。跟住同朱+charchau去m記食lunch，我地仲上咗去廣福商場嘅天台...

番到屋企就2點鐘，做compo...溫多次geog就收工。

詩歌推介:

偶然遇上的驚喜　　曲、詞:盧永亨
詩集：團契遊樂園III之薪火永傳

曾經　踏遍路途千萬里
途中　跌到過　攀不起
無助的心感困累　全然交瘁
無助身軀早已沒力氣

徬徨中　遇見熱誠的膀臂
人潮中　踫到您　多驚喜
前路即使千尺浪　得您在身旁
縱使呼呼風雨　　仍覺甚美

副歌)
能在絕望獨單中　遇然遇到您
是我根本不配受的福氣
來日禍困迎面　　滿途挑戰
能贈我勇氣　　　完全是您
(年月縱過去　　 未忘掉您)