今日心情好似唔錯...但係就快考試啦!!到依家為止淨係溫咗hist同pth再加上50%嘅中史，其他都未掂過...今次考試因為tsa嘅關係搞到日日都要考兩科，好慘!!!個死人政府做咩整埋d咁嘅嘢，冇建設...唉!!可能學hugo，響tsa度交白卷...

今日天氣都似乎唔多好，返學果陣響度打旱雷...

bk堂，借咗謝汶珊張tsa solution黎睇，根本上成堂都唔聽佢講嘢...出面狂風暴雨，個天黑到就黎夜晚咁

music堂，行雷閃電真係咩都有齊，孔sir嘅聲線似乎掩蓋唔到出面嘅雷聲，成堂都係無無聊聊咁過咗...

小息，冇嘢做過，同吳希彤及麥偉業傾計，都係講緊某人部電腦開唔到機嘅詭異事件...而某人嘅電腦知識實在係非常貧乏，唔知harddisk係邊一嚿嘢...

maths堂，tsa終於黎啦，d問題易到嘔 ，雖然我唔敢話自己會滿分，但係一定合格有餘...之後佢繼續講書，好眼訓呀!!zzzzzzzzz

geog堂，超廢，講日本嘅經濟，痴線嘅，又係冇聽到...zzzzzzzzz

差唔多放lunch嘅時候，校長話依家天文台發出黑雨，叫我地下晝唔駛番黎上堂，好嘢!!今年第一次因為大雨嘅關係唔駛番!!!!!

見到胡及hugo，一齊行...

番到屋企，冇嘢做，點知阿爸響屋企...成家人走咗去飲荼...

番到屋企，溫maths...溫番上學期果d...我maths不嬲唔好，依家仲要考埋上學期果d，冇冇搞錯呀!!!

世界盃今晚開波啦!!!好嘢!!!今晚要痴實部電視機，睇德國對哥斯達黎加，雖然德國陣中嘅老大哥波歷克傷咗，但係保路斯基應該有能力打正選，替咗波歷克...

nba playoffs final嘅第一場打咗啦，熱火作客輸咗比小牛80:90，小牛個jason terry 拎咗成32分!!但係我唔錯佢場場拎30幾分，下場熱火一家嬴呀!!