琴晚world cup開波啦，我當然要睇喇!!德國對哥斯達黎加...

睇完15/16之後，睇埋個宣傳節目就轉台睇本港台，果d世界妹真係好鬼樣衰架!!!!

11:45終於開始up廢話，到12:00就開波啦!!!

一如所料，保路斯基代借了咗波歷克嘅keyman位置，再配合舒尼達，芬寧斯同舒韋思史迪加打中場，雙箭頭就係高路斯同普度斯基，後衛就用咗拿姆，馬迪斯卡，梅斯達同埋費特歷治，加上列文，陣容唔錯架!!!一開波德國已經控制咗個戰局，不斷響進攻左路狂攻，6分鐘就已經由拿姆助攻得手，射入世界波，領先一比零。似乎德國攻得太上，12分鐘被哥斯達黎加一次突擊，就由雲祖柏追成一比一平手。咁早入波，都係大手交易架啦!!17分鐘德國又入波，高路斯呀!!....下刪幾百字!!

睇完場波，絕對係有感而發!!!德國d後防真係麻麻地，高就夠高啦，兩個中堅一個1米96，一個1米94，但係似乎冇咩深度同經驗。四個之中比較好嘅係拿姆，其他嘅都表現好差!!!!德國d後防咁後生，做咩要打裝offside呀????個個未夠25歲都唔用人盯人，自已班人又未有默契喎，三個人一齊行前裝offside，右邊果條費達歷治就唔上喎，響到包哂個offside，哥斯達黎加第一球就係咁入架啦!!!我覺得費達歷治真係唔多掂，講真盤球技術同速度佢都冇，淨係得個身位...學咩人做後衛呀??吓??打咩鬼sideback呀??成日扮哂嘢咁樣上去助攻，隊友比哂機會佢落底傳中，點知條友唔識斬波嘅，斬到去另一邊底線，痴線!!!馬迪斯卡係典型嘅得個高字，但係佢同梅斯達都係好有問題!!哥斯達黎加嘅第二球遁係咁入架啦!!兩個中堅為咗追波，唔理雲祖柏，一齊走出去阻擋人地傳波，但係唔係唔得，只係佢兩個一齊上就係問題，有咩理由可以唔mark雲祖柏呢??仲有人地d中堅係閂閘嘅，佢地唔係喎，係走開喎!!!

入球很精彩，防守實在爛!!!!