今朝8:30起身，睇下香港早晨先，利物浦晉級lu...仲有漢堡呀!!!

之後10點幾出發去睇冰雕with mum&妹，要去太古城...佢地話想搭電車喎...搭咪搭lor，橫掂唔趕時間...先搭307去到匯豐銀行總行，之後搭去筲箕灣嘅電車...要由中環搭去太古城都要起碼半個鐘...真係好鬼死熱啊...又慢喎""""""搭720好過...12點幾去到，食個lunch，跟住就排隊入場...好彩今日唔係好多人啫...

等咗20分鐘就入去了，要着果d衫，應該係去爬山果種衫，一入到去，超涼!!雖然唔俾摸果d冰，但係我都係摸咗...d冰係搽咗一層嘢響表面...令到d冰唔會溶...影咗一d相...但係影相係要付出代價，就係隻手會涷爆><"""...

睇完之後又行咗一陣太古城,,,冇乜嘢好睇...就走lu...

以前搭過110了，於是今次唔搭，搭720，$6.1...有d貴，不過係特快線，所以貴得有理...10幾分鐘就到中環，響永和街落...行過去維德廣場搭307，點知啱啱走咗1架，要等半個鐘!!我廢事搭，於是先行一步，搭101，去到紅墈落車，搭火車番屋企