今日係sports day嘅第1日...要跑1500M...

第一個項目就係1500M啦，都唔知點解要擺響咁早，咁早d空氣又涷又dry，我覺得唔係幾好...跑完第1個圈我就覺得有d唔妥...特別係氣管，因為一路跑一路吸生風，吸到好唔舒服，再跑落去，之前打波果陣嘅左腳舊患復發，好痛再加上左腳出唔到力...不過我都係死頂跑埋佢...之後發覺唔多舒服，響茶水站坐咗好耐，愈住就愈想嘔...跟住又真係嘔喎...去咗medical rm...見到林佳響入面，原來佢跳高果陣俾自己隻釘鞋整到個膝頭，流緊血...同佢傾咗陣，跟住我就出咗去坐...入面真係好侷...之後見到ywai...搞到佢好內疚tim...

搞咗1個半鐘我先上番去...

一路坐，好悶........

lunch...唔好講啦，果間嘢好唔掂...d waiter好廢呀!!!

下晝又係咁坐...

放咗之後同hitung上咗謝汶珊屋企搞電腦，搞咗好多個鐘頭，搞到8點幾都未搞好，同hitung響出面食埋先番屋企...

10點先番到屋企.....