噚晚好攰，好快就瞓覺了...

今朝起身，又涷咗...鼻敏感又來了...

phy，如果答唔到問題要罰企成堂呀...好彩佢冇問我...

chem，ok悶，教ch.24啦，又到我最憎嘅計chem數!!!今日李景豐冇返，忽然間靜咗好多，但係睇一睇佢個櫃桶，OH!SHIT!好似劉藹楠個櫃桶...

maths，黃sir自己講咗成堂，都唔知有幾多人有聽，坦白講我都冇聽...

recess，拎簿落去，順便幫麥偉業買簿...

eng，又有2堂，2日入面有5堂eng，我唔覺得我地依家呢個syllabus有咁嘅需要lor，真係悶到呀...

bio，reproduction，cell division...都好多野要記呀...

lunch@珊瑚堡...

返到黎就係chin，作文，描寫文...唔在行。黎太又搵人落去幫佢沖茶，小嗚同樹熊都nai野了!果個fuc fuc係咁講「奶茶」，以為自己搞gag，但係真係一d都唔好笑lor!!!daisy問黎太m記果d counter叫唔叫售貨員，黎太話果d叫做waiters!!!之後我講咗句:「m記果d叫waiters，咁收銀係咪幫人地拎奶茶果d?」黎太頓時無言><，我成功串柒哂佢啦!點知俾人叫罰企，不過真係抵都爛...發覺葉雅婷真係好x，問佢個字點寫，差唔多次次都係文騫講，佢一係就講錯，一係連個字都未聽過...成堂都搞到佢好無奈...

P.E，又跑7個環校，吳sir都唔知係咪失憶，上堂先跑完一次...今次我又快咗12秒啦，7分48秒搞掂...咁樣落去，下個星期環校跑我都好難拎唔到梨啦...之後打波，樹熊咬柴...

上番班房有chem tutorial，但係其實有好多人作緊文...都ok有用架...之後再作文，作到5點幾就番屋企了...

做完phy，再溫埋chem，打陣機，依家就可以瞓覺啦