噚晚幾經辛苦先做低phy，要由一開始所有數都唔識計，都最後計到哂d數都用咗好多時間...打埋機先瞓覺...我一定係傻架啦!

今朝又涷咗啦，呀媽問我著唔著冬季，我話冇需要...結果出門口冇耐我己經覺得好涷...

番到學校，又係睇下phy，之後班主任班導師時間...徐sir響度講賢仔...

maths，計下d pastpaper題目，果題咁嘅廢probability有成11分，你話今年出正呢題幾開心呢!

chin，中文聆聽test，呢次真係好有挑戰性，好多都係fill in the blanks，問埋果d含意題真係唔知點樣答先好，肯定好低分啦...

recess，先睇下cit...

eng，好廢...噚日做果個writing task，我地最後面果5個人坐埋一齊都冇交到><"點解冇人提我地架??有時坐咁後都係唔多好...

cit，又到yan sir監堂...份test有好多不明朗嘅地方...8成係目標啦...唔好定得太高...我唔係dennis...

lunch@大元，同麥偉業食，好耐冇同佢食...

番到學校先換PE衫，再溫下phy，點知一野開本書溫，馮美慧同文騫即刻問我問題...我phy又唔係勁，應該問淫達就差唔多啦...

之後就係環校跑啦，由於空氣過涷加過dry，決定唔跑4圈短途，留力跑7圈長途，對我黎講長途始終可以拎更高名次...最尾先到長途，個鼻真係好辛苦，最後拎咗個19，都唔錯啦，非常滿意...個鼻痛到唔想呼吸，但係唔呼吸會死架喎...

死下死下上番班房，phy test，真係攞人命...呢次mc應該全中，後面就唔知點啦...test完換衫走人...

番屋企溫bio啦!