今日開始放復活節假...

一朝早起身去打波，咁啱又撞到NGV佢地響三樂周果度打，救命呀...NGV真係好大力，中場射波入咗成5-6球!!胡睇黎都要退位啦...><""之後打到10點幾就番屋企啦...

番到屋企，用下電腦，之後又解答下某人搭車方面嘅疑問...

今日見有時間咪早d過去九龍灣行下之後先去補習...早咗出門口答到HY9332，李芸璟揸，佢都算ok，之前又唔知邊個話架車3波行哂埔公，好明顯又唔係事實，上南苑都未到3波...可能係人嘅問題啦，不佢姓李呢個都算ok快架啦...馬場果度踩到70都俾架73X電豬拋離，73X果條友踩幾多架!?上獅隧都幾正，過咗架170嘅ATE，揸170 ATE果d人成日見人想爬頭都唔讓人，仲要係過咗一半車位有多果d...真係咇佢都唔肯放下油門...我睇佢去揸58X果d ATE果陣會唔會咁寸得起...

響九龍灣行下行下，斯斯然食野，再斯斯然去補習...

amaths響度講vector，佢d pastpaper我做咗好多啦...佢又響度講...

chin真係悶到爛...

5點45準時放，算係幾好架啦...過去對面食番串沙爹魚蛋先過去等車...

等咗陣就見到康偈強啦，佢今日揸FZ7161，佢話部FZ7602個尾冚有問題入咗廠，呢部7161都幾正喎，起油快幾多呀...極速都唔錯...埔公都踩得好快...番到大埔45mins，響繁時呢個時間都算快架啦...車上面有條友由埔公開始不斷打乞「痴」打到大埔墟落車...係咁噴H5N1...><"

7點幾番到屋企...

抖埋今日咋...聽日開始又要再溫書啦!!