今日好多野做

0830起身睇波，黃蜂對馬刺，黃蜂好明顯係冇經驗，再加上班人唔識射波...搞到最尾輸咗...唉...仲諗住年年都睇馬刺好鬼悶，點知今年又係睇馬剌...搞鬼錯...

睇完波都11點幾啦...

之後落去打波，好彩book左場，如果唔係呢幾日落雨都真係唔駛打...hugo又話瘸腿，之後又黎左...真係一時一樣...同方深舟打真係刈俾人屈機嘅感覺...

打完番到屋企都2點幾啦...

之後又要出去考中文oral...搭71A又好彩搭到架冷馬，落雨搭熱狗唔多掂...之後搭火車去沙田，響新城市食咗d野就搭48X入禾輋，我都懶得行去...去到見到jerome...

上到去培英搞左勁耐先開始...我果組得5條友，講15mins就搞掂，成班人都弱聽架，我話反對佢地聽我話贊成，食屎啦...搞到我講到成pat野咁...shit!!!!

搞完成肚火，之後搭81出九龍，條友碌車，我仲火滾，響大埔道九龍水塘彎有架車撞山，我由六合村塞上去...大埔道都坐咗成半粒鐘有多...之後MK落搭港鐵去TST,,,行到去burger king食...

食完落去等271，岩岩走架AS特見GW3014，就有架3ASV特見JF9006，我見係71K果d靚膠豬就上啦...條友好肯去，一落獅隧就抽出快線飛落去，過咗架70X，去到圓洲角先返慢線...之後響馬場又爬左架72X，去到科學園就追上前車...真係唔錯...

番到屋企都未到9點...

今日好攰呀...