今朝差唔多10點先起身...因為噚晚2點幾先瞓嘅關係...

起咗身之後就用下電腦，咁啱見到沙田有個招聘日，於是就搵埋方深舟去interview...當係踫下運氣都好...橫掂響屋企都冇咩野做...

約咗1325響M記等...

行去文娛中心果個站度等車，等呀等...等呀等...足足2班74A先有架72，真係可怒也，不過都算啦，以前細個果陣等73A成個鐘都係咁等，我不嬲都好有耐性...不過難為隻腳啦...腳到軟埋...

沙田大會堂落車，行過去沙田政府合處，去到先1430，仲有半個鐘先到...就去宜家傢俬行下，點知見到daisy同佢條仔...ORZ...真係估唔到daisy都幾識食喎，IKEA果個餐廳睇落冇咩野，其實係別有洞天...下次有機會先同大家分享下...

上番去勞工處果陣，真係把幾火，足足等咗20幾個人先到我同方深舟，真係企咗好耐，想個位坐下都冇呀...救命呀...><"

入去3分鐘就出番黎，企足個幾鐘就為咗in呢3分鐘...><""

in完之後去新城市間starbucks買杯野飲，之後搭車番屋企...

番到屋企就俾人屈啦...你好野!