(補打)

今日係graduation dinner嘅大日子...

朝早10點鐘起身出去蔡潤記食野，食魚蛋魚片麵，真係好好食，不過就略微貴咗些少...

番到屋企，hea咗大半個下晝，都係用下電腦打下機咁啦...

之後就換衫走人，因為約咗朱同方響富亨巴士總站等271出TST...同場又見到hugo佢地...

1706上車，呢班271都唔係好多我地d同學搭，最搞笑係朱見到黃德志響大中等74X/75X...去到九龍公園徑落車，估唔到我地計蚶咁周詳都俾人跟到，仲以為坐車尾班人會去到廣東道先落車咁kai...

入到去marco polo hongkong hotel，行到最後就係我地要去嘅地方，先登記番自己個名，再跟手拎埋張抽獎卷...我發覺我地都算幾早到，見仲有時間，咁就同朱打下機先，其實都係玩d低級game，就係手電入面嘅Relly3D，就咁都hea咗好多時間...一路打機又成日有人走黎影相...

7點鐘左右終於開波啦，又要聽校長廢up下...搞咗一大輪，到8點左右先開始食野...

講真d野食都唔係話好好食，我覺得唔值呢個價錢，牛扒硬到成塊木板咁，得果6-7成熟都可以咁硬...sushi果d款式太少啦...果個芝士焗薯仔算係幾好食架啦，沙律見到都唔想食，黠知朱又拎咗喎，難食到佢一食已經吐番出黎...好彩我冇拎呀!!有d想飲湯，但係竟然係粟米湯!?都係食甜品算la...

食食下野有得睇片，咁都有我張相!?邊度搵番黎呀??不過算啦...之後有第一輪抽獎，抽唔中...

之後又食多陣，跟住有遊戲玩...又抽中我!?仲要上台tim...唔係咁好彩呀嗎?!又唔見我抽到獎!?其實NGV講野可以大聲d...><"

番番落去又抽獎，又抽唔到...唉...

最尾就影下相咁la，都算搵哂我想搵嘅人la，雖然仲差1,2個，不過呢個世界又點會咁完美呀...

講下今日d人嘅衣著先，先講男...有幾個真係好正-->1.周天成，佢真係casual到同平時打波差唔多...2.莫東海，佢著果件風褸真係搞到佢成個罪犯咁...3.dennis，無lala帶帽...超kai...

再講女，其實個個都差唔多架啦，個個都鬼火咁靚...同番學果陣出入好大...有幾個比較好睇..1.譚梅玲，紅色露膊裙，好搶眼，仲要遲到果下真係吸引唔少目光...2.daisy，deep v...不過佢有個問題就係有肚腩...><""...3.ywai，佢不嬲都好睇...4.周康婷，呢個好特別，睇落斯文咗好多，同埋都好靚...

搵完人影相就同周天走人，果陣都過咗11點半lor...搭到KV8572，大失所望...俾後車HT1646追到...

番到屋企12:40...睇下電視，沖埋涼再同人吹下水就差唔多3點先瞓...