真係完全唔知自己做緊d乜...噚日話明俾自己聽要做完maths 5B，再做d 5C，點知5B都未做完做響度睇電視...都唔知自己點搞架...之前做bio又係，諗住2日做哂，點知足足做咗4-5日...再係咁樣落去真係死得la...真係懶到出汁呀...成日攤響屋企都唔知做過咩,,,咩建設性都冇真係...日日唔係打波就lan街...打波唔係問題，咪當做下運動lor，但係之後番到屋企又係咩都唔做坐響度...真係成個廢人咁款...自己都忍唔住要嬲下自已呀!

今朝唔駛打波,,,做咗幾題maths，係幾題咋...成朝得幾題...唉!

下晝，朱打黎話去打波，其實唔係咁想去，因為我望出去個天色就麻麻地，加上又一d風都冇，出到去肯定熱瓜我...不過既然佢嗌到咪出去lor...打咗個幾鐘又落雨番屋企...咁又冇咗個下晝啦...

p.s.我真係想知我幾時先識得驚

話說今日整咗芒果布甸...應該都幾好食...><

得知今年理科20分入到...20分都唔算太過分啦...

噚晚「終於」都做完bio啦...因為有某人催我做...專心做真係唔同d，唔駛1個鐘都搞掂了...幾好!最好下次都係咁><

今朝去打波，地下有d濕，好彩我唔似得hugo成日鏟籃，如果唔係就真係跣到「攤攤腰」，奇怪嘅係今日竟然冇人跣低...打到勁熱...10點幾果陣又落雨...行天橋果邊番富亨，如果唔係又好似噚日咁樣濕哂...朱佢地又跟埋黎富亨...去OK買嘢飲...之後就番屋企了...

番到屋企沖個涷水涼...下晝做maths

BOOK5B應該會響今日之內ko，再做少少BOOK5C就夠哂啦...

p.s發覺蠟筆小新d gags真係好正!