噚晚聽新香蕉俱樂部，第一次聽...發覺都係麻麻地好聽...因為佢地唔知up緊咩...聽到我就黎瞓着覺咁滯...

今朝起身，好似冇落雨喎...

番到學校，原來冇人話要交bio mc，真係嚇鬼我...><

bio，都幾悶架...

eng，又俾人時間discuss SBA，嘩!成組人d進度又係勁慢...

recess，唔駛收簿...落去食嘢...

maths，仲係教緊ch.6，呢課都幾無聊，d唔係難計，偏偏就係好煩,,,好蝦人計...仲有呀...果次maths test到依家都仲未派得...人地cit都鬼咁早派咗啦，駛鬼理果個爆肺人咩?!都唔知點搞架...

p.e，無雨落...但係要考體能呀...sit up得38下咋...掌上壓好d，有42下...搞完一輪之後隻手都廢咗啦，出去射陣籃球，冇力架...

lunch@curry至尊，with盧藍黃J...

phy，徐sir一語驚醒我呢個「夢中人」，佢對住李景豐好大聲講咗句:你  講  大   話!!!!!!!

chem，又要計數啦，真係好慘呀...之後上lab做expt，都係咁啦...

放學，做埋果d maths cw...之後就早d番屋企...唉，要睇書呀... 

噚晚睇FA Cup final，曼聯vs車仔，響溫布萊球場上演，係呢個球場翻新之後嘅第一場比賽，就咁望落去個場真係幾靚架...不過上半場都下半場都係悶到爆...90分鐘都係0:0，就打加時啦，點知去到116mins，車仔嘅杜奧巴唔知點樣搞掂咗，就咁就1:0膏咗，本來仲諗住有12碼睇tim...

今朝差唔多10點先至起身，好耐冇瞓過咁耐啦...好滿足...=.=

之後就搞掂埋中文電台果張嘢...

做完就開始睇埋SBA果本英文書，佢地借埋本書好得難睇，字深就不在話下，連個故事都係悶到抽筋嘅，到底邊個佰架，快d搵個人出黎承擔責任呀...一路睇，睇到我就黎瞓着覺咁滯，咩廢書黎架?!之後就一路睇一路要查字典...><""，如果唔係計分，我諗我都唔會睇得咁仔細...真係煩死我啦...

下晝睇到唔想睇，就睇電視，無線做緊套戀愛行星，係謝檸檬同林嘉欣主演，雖然係悲劇，但係真係有d不知所謂...

跟住就繼續睇書啦...

6點鐘就出咗大埔中心，先去食嘢，今晚食元氣壽司，3個人都食咗300幾蚊...貴到呀!!之後就行咗陣，響大眾又消費咗一輪，之後又行下百佳，買咗雪糕...某H字頭牌子...$100就2盒...

9點半先番到屋企...

p.s，病咗就休息多d啦...><